Таксиде туған шақалақ

Шығыс Қазақстан об­лы­сы, Глубокое ауда­нын­дағы Бело­усовка ауы­лының тұрғыны Еле­на Зайдель автокөлік салонында алтыншы баласын дүниеге әкелді. Елена бесінші баласын перзентхана ішіндегі лифтіде босанған екен. Аяғы ауыр ананың бұл жолғы толғағы да аяқ ас­тынан келді. Такси жүр­гізушісі болып жұмыс іс­тейтін күйеуі Владислав келіншегін перзентханаға қарай алып ұш­қанымен, жарық дүниеге асық­қан перзенті автокөлік ішінде дүниеге келді. Осылайша, 28 ақпан Владислав пен Елена үшін есте қаларлықтай қуа­нышты күн болды. 36 жас­тағы келіншек Белоу­совкадағы үйінде тол­ғағы келгенін сезіп, бір­ден пер­зентханаға жолға шық­қандарын, өйткені бесінші баласы Роберт босандыру за­лына жетпей лиф­тіде ту­ғандықтан, бұл жолы да сол жағ­дай­ды қай­та­ла­мауға тырыс­қан­дарын ай­тады. Алайда, Ахмер ауылына жеткенде келіншектің толғағы күшейе түскен. Әйелін айналып-толған­ған Владислав көлікті жол­дың шетіне қаңтарып, Ленаның айтуы бойын­ша, келіншегін өзі босан­дыруға кіріседі. Қанша дегенмен алтыншы баласы емес пе! Тәжірибелі ана кіндігіне оралып қалған баланың жағдайына алаң­дағанымен, бәрі сәтімен болып, баланың кіндігі перзентханада кесілді. – Менің күйеуім батыл! Влад­тың медицинаға еш қа­тысы жоқ, көлік жүргі­зушісі болса да қо­лы­­нан үлкен іс келді, – дейд­і жаңа босанған ана мақ­танышпен. Ана мен бала орта­лығы дәрігерлерінің айтуынша, қазір сәбидің жағдайы жақсы. Үш қыз, үш ұл өсіріп отырған Зайдельдер отбасы сәбиді асыға күтіп жүр. Думан АНАШ, «Егемен Қазақстан». ӨСКЕМЕН.