15 Наурыз, 2016

Боливияда табиғат апатынан 19 адам қаза тапты

397 рет
көрсетілді
1 мин
оқу үшін
15-03-2016 el ninoАСТАНА. 15 наурыз. Боливияда өткен жылдың қараша айынан бүгінге дейін «Эль-Ниньо» құбылысынан 19 адам қаза тапты. Сондай-ақ, 60 мың отбасы зардап шекті. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. «Бүгінге дейін қаза тапқандар саны 19 адамға жетті, 60 мыңға жуық отбасы зардап шекті.  Сондай-ақ, 30 мың гектар жерге егілген егістікке зақым келді. Ал 15 мың бас мал қырылып қалды», – дейді Боливияның қорғаныс министрі Рейми Феррейра. Оның айтуынша, табиғат апатына байланысты елдің 7 департаментіне қауіптіліктің жоғары деңгейі жарияланды. «Эль-Ниньо» әсіресе, Ла-Пас, Кочабамба, Чукисака, Бени және Санта-Крус департаменттеріне айтарлықтай шығын әкелді. Толассыз жауған жауынның соңы су тасқынына ұласқан. Салдарынан соңғы бірнеше күн ішінде 3 адам мерт болды. Сондай-ақ, Кочабамбада бірқатар елді мекен жарықсыз қалды. Ал елдің оңтүстігінде жағдай керісінше, құрғақшылық жайлаған. Айта кетейік, аталған құбылыс түрі Тынық мұхитының экваторлық бөлігінде температураның ауытқу құбылысы. «Эль-Ниньоның» салдарынан кейбір аймақтарда толассыз жауын жауса, кей жерлерде құрғақшылық болады. Аян Әбдуәли. Дерек: ТАСС. Сурет: veja.abril.com.br.