ЭКСПО-ның экс-басшысы Талғат Ермегияевтің соты басталды

АСТАНА. 18 наурыз. Қылмыстық істер жөніндегі мамандандырылған ауданаралық сотында «Астана ЭКСПО – 2017» ұлттық компаниясының бұрынғы төрағасы Талғат Ермегияевке қатысты сот басталды. Бұл туралы tengrinews.kz-ке сілтеме жасаған egemen.kz тілшісі хабарлайды. Бүгін алдын ала сот тыңдауы өтті. Онда судья процесске қатысушылармен танысты, талаптарды нақтылап, жағдай жайлы пікір қалыптастырды. Сондай-ақ, аталған іс бойынша басты сот тыңдауының мерзімі белгіленбек. Істі Қылмыстық істер жөніндегі ауданаралық мамандандырылған соттың төрағасы Әділхан Шайхисламов қарайды. Талғат Ермегияев сотқа арнайы бөлімшелердің қызметкерлерінің жетекшілігімен келді. Олардың ішінде «Астана ЭКСПО – 2017» ұлттық компаниясы құрылыс департаментінің бұрынғы жетекшісі Қажымұрат Үсенов бар. Айта кетейік, қылмыстық іске қатысы бар айыпталушылардың ішінде үйқамақта отырғандар бар. Олардың жалпы саны жетеу. Естеріңізге салайық, іс сотқа биыл 9 наурызда түскен болатын. Ал іс материалдар 500 томнан асады. Талғат Райымбек. Дерек, сурет: tengrinews.kz.