Дауыс берушілердің 40,21 пайызы өз таңдауларын жасап үлгерді

АСТАНА. 20 наурыз. Бүгін Парламент Мәжілісі және барлық деңгейдегі мәслихаттар депутаттарының сайлауы өтіп жатыр. Осыған байланысты сағат 12:00-ге дейінгі жағдай бойынша Қазақстан азаматтарының 40,21 пайызы дауыс берді. Бұл туралы Орталық сайлау комиссиясының ресми сайты – election.kz-ке сілтеме жасаған egemen.kz тілшісі хабарлады. Облыстардың, Астана және Алматы қалаларының сайлау комиссиялары ұсынған мәліметтерге сәйкес, бірінші орында Алматы облысы келеді. Сағат 12-ге дейін сайлаушылардың 57,67 пайызы дауыс берген. Дауыс беру барлығы 9840 сайлау учаскесінде өткізілуде. Қалған көрсеткіштер төмендегідей: Алматы облысы бойынша – 57,67 пайыз Ақмола облысы бойынша – 48,45  пайыз Ақтөбе облысы бойынша - 34,3 пайыз Атырау облысы бойынша – 45,2 пайыз Батыс Қазақстан облысы бойынша – 38,67 пайыз Жамбыл облысы бойынша – 47,41 пайыз Қарағанды облысы бойынша – 41,57 пайыз Қостанай облысы бойынша – 54,31  пайыз Қызылорда облысы бойынша – 43,28 пайыз Маңғыстау облысы бойынша  – 31,41  пайыз Оңтүстік Қазақстан облысы бойынша – 33,02 пайыз Павлодар облысы бойынша – 40,47  пайыз Солтүстік Қазақстан облысы бойынша – 48,1 пайыз Шығыс Қазақстан облысы бойынша – 45,83 пайыз Астана қаласы бойынша – 32,33 пайыз Алматы қаласы бойынша – 15,45 пайыз Аян Әбдуәли. Дерек: election.kz. Сурет: baq.kz.