29 Наурыз, 2016

Ынтымақтастыққа өріс кең

236 рет
көрсетілді
2 мин
оқу үшін
сыртқы істер министріӨткен сайлау Қазақстан мен ЕҚЫҰ және оның институттарының дәстүрлі түрде белсенді ынтымақ­тас­тығын қуаттап берді. Бұл мәселе кеше болған Қазақ­стан Республикасының Сыртқы істер министрі Ерлан Ыдыры­совтың ЕҚЫҰ/ДИАҚБ-ның кезектен тыс парламенттік сай­лауды байқау жөніндегі миссиясының басшысы Борис Фрлецпен өткізген қорытынды кездесуінде көлденең тартылды.  Кездесу барысында, сондай-ақ, Қазақстан сыртқы саясат ведомствосының басшысы миссияға атқарған жұмысы үшін ризашылығын білдіріп, ЕҚЫҰ/ДИАҚБ-ның сайлаудың тиімді ұйымдастырылғаны мен осы саладағы миссия тарапынан атап өтілген прогресс туралы оң бағасы үшін рахметін айтты. Б.Фрлец өз кезегінде ЕҚЫҰ/ДИАҚБ миссиясының шақы­рылғанына, оның Қазақстандағы жұмысы мен практикалық қызметі үшін ұйымдастырушылық оң ықпал жасалғанына ризашылығын білдірді. Миссия басшысы ЕҚЫҰ/ДИАҚБ әрі қарай да Қазақстанға оның сайлау заңнамасын жетілдіру бағытында көмек қолын созуға дайын екенін атап көрсетті. Бұл орайда, ол осы үдерістің нақты пішімі мен тетігін өз ахуалы мен мүмкіндігіне қарай әр елдің өзі анықтайтынын көлденең тартты. Е.Ыдырысов дауыс беру нәтижесі қазақстандық сайлау­шылардың мемлекеттің әрі қарай­ғы тұрақты даму бағытын қолдай­тынын көрсетіп бергенін атап өтті. Сонымен қатар, министр Б.Фрлецке табысты жүзеге асырылып келе жатқан адам капиталы­на инвестиция салу саясаты туралы айта келіп, Қазақстанда құрыл­ған Жаңғырту жөніндегі ұлт­тық комиссия мен бес инсти­тут­тық реформа жайында әңгі­мелеп берді. Бес институттық реформаның мақсаты, деді министр, жоғары кәсіби үкімет қалып­­тастыру, заң үстемдігін қам­тама­сыз ету, мемлекеттің есептілі­гін арттыру мен экономиканы әртараптандыру. Кездесу қорытындысы бойынша, Қазақстанның ЕҚЫҰ-мен және оның институттары­мен дәстүрлі белсенді ынты­мақ­тас­тығын әрі қарай нығайту туралы уағдаластыққа қол жеткізілді. «Егемен-ақпарат».