Қарағандыда алаяқтық жолмен несие алған адам сотталды

ҚАРАҒАНДЫ. 29 наурыз. Қарағандыда жалған құжаттар бойынша банктердің бірінен жарты миллиард теңгеге жуық несие алған бұрынғы кәсіпкер істі болды. Бұл туралы Қарағанды облыстық соттың баспасөз қызметіне сілтеме жасаған egemen.kz тілшісі хабарлады. Қарағандының тұрғыны Виталий Барабанов жалған құжаттар арқылы өзін табысты кәсіпкер ретінде көрсетіп, банктердің бірінен 547 000 000 теңге несие алған. Бұл ақшаға ол қымбат автомобильдер, жылжымайтын мүлік сатып алып, курорттарда демалған. Полиция қызметкерлері оны банк өкілдері дабыл қаққаннан кейін ұстады. Тексеру барысында, оның банкке ұсынған құжаттарының жалған екендігі анықталды. Сот Виталий Барабановты 6 жыл 8 айға бас бостандығынан айырып, дүние мүлкін тәркіледі. Қайрат Әбілдинов. Дерек: Қарағанды облыстық соттың баспасөз қызметі. Фото: ru.sputnik.kg.