31 Наурыз, 2016

Аюдың азу тісі

513 рет
көрсетілді
1 мин
оқу үшін
Клыкарғы бетте ерекше бағаланады екен Шекарадан небір құнды, баға­лы әрі сирек кездесетін зат­тарды заңсыз жолмен өткі­зуге құмар жандар өте көп кездеседі. Олардың заңсыз әре­кетіне тосқауыл қойып келе жатқан тек қырағы шекарашылар ғана. Мәселен, қазақ-қытай шекарасы бойында орналасқан «Қорғас» шекаралық бақылау-өткізу бекетінің шекара наряды қасқырдың, аюдың азу тістерін, аюдың тырнақтарын алып өтуге әрекеттенген қазақстандық азаматты ұстауға мәжбүр болды. Атап айтқанда, аталған аза­маттың сөмкесінен шека­ралық бақылау жасау кезінде қасқырдың 10 дана, аюдың 39 дана азу тістері табылды. Одан әрі тағы да мұқият қараған кезде, сөмкеден аюдың 10 дана тырнағы да шыға келді. Ұстау дерегі бойынша материалдар тиісті орындарға берілді, деп хабарлады ҰҚК ШҚ баспасөз қызметі.