92 жастағы Зимбабве президенті 2018 жылғы сайлауға қатысады

АСТАНА. 31 наурыз. Зимбабвенің 92 жастағы президенті Роберт Мугабе 2018 жылы өтетін мемлекет басшылығының орынтағы сайлауға қатысу ниетінде бар екенін мәлімдеді. Бұл туралы ras.kz-ке сілтеме жасаған egemen.kz тілшісі хабарлады. Аталған сайт хабарлағандай, ол өзінің мұндай ойы бар екенін жапонның «Санкэй» газетіне берген сұхбатында айтқан. Қазіргі күндері Мугабе Токиода ресми сапармен жүр. «Жақтастарым менің кандидатурамды ұсынады», – деді 92 жастағы президент. «Мен әлі ширақпын. Егер халық қаласа, өзімнің міндетімді жалғастыруға дайынмын», – деді ол. Батыстың Зимбабведе оппозицияның басып тасталаты туралы таратқан сөзін Мугабе «елдің халқы тарапына айтылған қорлау» деп бағалады. Роберт Мугабе Зимбабвенің сегізінші мәрте сайланған президенті болып табылады. 2014 жылы оның әйелі Грейс Мугабе күйеуіне елді алаңсыз басқаруы үшін арнайы мүгедектер арбасын сатып алып бергісі келетінін мәлімдеген болатын. Ол мемлекет басшысына күші сарқылғанша көмектесетінін жеткізді. Ал оппозиция мүшелері елдегі биліктің шын мәнінде Грейс Мугабенің қолында екенін айтады. Талғат Райымбек. Дерек: ras.kz. Фото: polit.ru.