Айлық басталды

Кеше Ұлттық академиялық кі­тап­­­ханада «Бұл кітап әлемі...» ат­ты Кітап айлығына арналған бас­пасөз конференциясы болып өтті. Аталмыш шара Мәдениет және спорт министрлігінің қолдауымен Ұлт Жоспары «100 нақ­ты қадам: баршаға арналған қазір­гі заманғы мемлекет» Болашағы Біртұтас Ұлт» бағытын жүзеге асыру жөніндегі іс-шаралар аясында және Халықаралық балалар кітабы күні мен Бүкіләлемдік кітап және авторлық құқық күніне орай өткізді. Оның негізгі мақсаты – кітаптың, мәдениет пен білімнің мән-маңызын түсіндіріп, ғалымдардың еңбектерін, қаламгерлердің шығар­машылығы мен кітап мерейтойларын насихаттауға үндейді. – Ұлттық академиялық кітапханада 62 іс-шара өткізіледі деп жоспарланып отыр. Олардың ішінде 21 кітап және виртуалды экспозициялардан көрмелер, абайтанушы, шәкәрімтанушы, ақын, жазу­шы, драматург, Қазақ ҚСР әнұраны сөзі  авторларының бірі Қайым Мұхамедхановтың 100 жыл­дық мерейтойына байланыс­ты «Алаш мұрасының көзі» тақыры­бындағы еске алу кеші, «Әдеби мейманжайдағы» зиялы қауыммен оқырмандардың кездесуі, кітап мерейтойлары – Жүсіпбек Аймауытовтың «Қартқожа» рома­нының (90 жыл), Әкім Таразидың «Құйрықты жұл­дыз» (50 жыл) повесінің, Әнуар Әлімжановтың «Сувенир из Отырара» (50 жыл) повесінің бенефисі, «Тәуелсіз Қазақстан энциклопедиясы» ин­тер­нет-жобасының тұсаукесері, 3 ғылыми дәріс, соның ішінде «Сөз­діктер және сөздік жұмысының дамуы» тақырыбындағы дәріс, «Ме­нің сүйікті шығармам» атты кітап конференциясы, «Менің өмірімді өзгерткен кітап» оқырман бенефисі, балалар кітабы апталығы, «Дәуір және Тұлға. З. Шашкин – жазушы, дәрігер, драматург» тақырыбындағы дөңгелек үстел, Халықаралық балалар кітабы күніне байланысты Астана қаласындағы Хэйлибери Астана халықаралық Ұлыбритания мектебінің әдеби фестивалі, т.б. бар. Осылардың барлығы Кітап айлығының аясында өтетін шаралар, – деді алғаш болып сөз алған Ұлттық академиялық кітапхананың басшысы Үмітхан Мұңалбаева. Сондай-ақ, жиынға академик, «Бір ел – бір кітап» акциясын ұйым­дастыру комитетінің төрағасы Ға­ри­фолла Есім, жазушы, филология ғылымдарының докторы, профес­сор Тұрсын Жұртбай, жазушы Толымбек Әбдірайымұлы қатысып, бастаманың қадамына сәттілік тілеп, өз ұсыныстарын да ортаға салды. Рауан ҚАЙДАР, «Егемен Қазақстан».