02 Сәуір, 2016

Әзербайжан мен Арменияның әскерилері қақтығысты

316 рет
көрсетілді
1 мин
оқу үшін
02-04-2016 karabakhАСТАНА. 2 сәуір. Таулы Қарабақтағы қақтығыстан Әзербайжанның 200-ден астам әскерилері қаза тапты. Бұл туралы РИА «Новости» ақпарат агенттігіне сілтеме жасаған egemen.kz тілшісі хабарлады. Әзербайжан қорғаныс министрлігі Армения тарапынан оқ атылып жатқанын, ал армян әскери ведомствосы да Әзербайжан әскерилерінің шабуыл жасағанын мәлімдеді. Сондай-ақ, Армения қорғаныс министрі баспасөз хатшысының айтуынша елдің қарулы күштері де бұл жанжалда қарсы шабуылға шыққан. Екі жақтан да адам шығыны бар. Әзербайжан қорғаныс ведомствосының баспасөз хатшысы жақын арада бұл мәселеге қатысты ресми мәлімдеме жасалатынын айтты. Айта кетейік, Әзербайжан мен Армения арасындағы жанжал 1988 жылы Таулы Қарабақ себебінен басталған. Армяндар көп қоныстанған бұл аймақ 1991 жылы Әзербайжан құрамынан шығатыны туралы мәлімдеме жасалғаннан кейін, мұның соңы жанжалға ұласқан. Салдарынан 30 мыңға жуық адам қаза тапты. Халықаралық бітімгерлердің қатысуымен 1994 жылы Армения мен Әзербайжан арасында қақтығысты тоқтату туралы келісім жасалған. Аян Әбдуәли. Дерек, фото: РИА «Новости».