Сайрам ауданының әкімі тағайындалды

АСТАНА. 6 сәуір. Сайрам аудандық мәслихатының келісімі бойынша Оңтүстік Қазақстан облысы әкімінің өкімімен Сайрам ауданының әкімі қызметіне Самат Сапарбаев тағайындалды. Бұл туралы otyrar.kz сайтына сілтеме жасаған egemen.kz тілшісі хабарлады. Самат Сапарбаев 1962 жылы туған.  Білімі жоғары, мамандығы — инженер-механик. Еңбек жолын 1985 жылы Жамбыл кірпіш зауытының слесарі ретінде бастаған. 1988-1991 жылдары Оңтүстік Қазақстан облысы Сайрам аудандық комсомол комитетінің нұсқаушысы, хатшысы қызметтерін атқарған. 1992 жылы Сайрам аудандық әкімшілігі жастар ісі бөлімінің меңгерушісі болды. 1997-2013 жылдары Сайрам ауданы әкімі аппараты ұйымдастыру-кадрлық жұмыс бөлімінің меңгерушісі, аумақты дамыту және кадрлармен жұмыс бөлімінің меңгерушісі, Қарасу ауыл округінің әкімі, Сайрам ауданы әкімі аппаратының басшысы, аудан әкімінің орынбасары болып еңбек етті. 2013 жылдың маусым айынан бастап Ордабасы ауданының әкімі лауазымын атқарып келді. Дастан Кенжалин. Дерек, фото: otyrar.kz