Миссиясының аяқталуына орай қабылдады

Кеше Қазақстан Парламенті Сенатының Төрағасы Қасым-Жомарт Тоқаев Бразилияның елшісі Фредерико С.Дуке Эстрада Мейерді оның біздің еліміздегі дипломатиялық миссиясының аяқталуына байланысты қабылдады, деп хабарлады Парламент Сенатының баспасөз қызметі. Қ.Тоқаев екі ел арасындағы қатынастарды нығайтуға қосқан қомақты үлесі үшін дипломатқа алғыс айтты. «Қазақстан мен Бра­зилия қарым-қатынастары түсіністік пен өзара сенімге негізделген. Бүгінде Қазақстан мен Бразилия әріптес елдер болып табылады», – деді Сенат Төр­аға­сы және «Қазақстан мен Бразилия президенттері мемлекеттік сапарларының екіжақты ынты­мақ­тастықтың басым бағыттарын белгілеуде айрықша мәні бар, бұл қа­тынастар сауда-экономикалық және гуманитарлық байланыс­тар­ды кеңейтуге ықпал етті», – деді Қ.Тоқаев. Қ.Тоқаевтың пікірінше, екі ел парламенттері арасындағы байла­ныс­тарды белсенділендіру саяси үн­қатысудың маңызды бөлігі болады. Кездесу барысында Қ.Тоқаев тасқын су оқиғаларына орай Бразилия халқына және қаза бол­ғандар мен зардап шеккендердің отбасыларына көңіл айтты.