08 Сәуір, 2016

Лаңкестер 250 адамды тұтқынға алды

330 рет
көрсетілді
1 мин
оқу үшін
08-04-2016 siriyaАСТАНА. 8 сәуір. Сирияда лаңкестер цемент зауытында жұмыс істейтін 250-ден астам адамды тұтқынға алды. Бұл туралы РИА «Новости» ақпарат агенттігіне сілтеме жасаған egemen.kz тілшісі хабарлады. Содырлар Дамаск қаласының солтүстік-батысындағы Думайр қаласына таяу маңайдағы «Бадия» зауытына шабуыл жасаған. Сирияның өнеркәсіп министрлігінің мәлімдеуінше, қызметкерлермен арадағы байланыс үзілген. Ал Думайр қаласының тұрғындары туысқандарымен 4 сәуірден бері байланыса алмағанын айтты. Лаңкестер аэропорт пен Дамаск қаласына таяу жердегі электростанцияға да шабуыл жасамақ болған. Бірақ, үкімет әскерилері тойтарыс берді. Айта кетейік, соңғы кездері Думайр қаласында экстремистер мен үкімет әскерилері арасында қақтығыстар жиі орын алуда. Алдын ала болжам бойынша, бұл жолғы лаңкестік әрекетті ДАИШ лаңкестік ұйымының содырлары жасаған. Полиция қызметкерлері оқиға орнында тергеу амалдарын жүргізіп жатыр. Аян Әбдуәли. Дерек: РИА «Новости». Фото: apostrophe.com.ua.