Оффшорда жасырынған ақшаның көлемі жарияланды

АСТАНА. 8 сәуір. Қазір дүниежүзі бойынша оффшорлық шотта 21 трлн. доллардан 32 трлн. АҚШ долларына дейін ақша жасырынған. Бұл туралы europe.newsweek.com сайтына сілтеме жасаған egemen.kz тілшісі хабарлады. Бүгін журналист зерттеушілердің халықаралық ICIJ консорциумы қазіргі және бұрынғы мемлекет басшыларының құжаттарын зерттей келіп, олардың оффшорлық шотта  кем дегенде 21 трлн. АҚШ долларын жасырғанын анықтады. Дегенмен бұл әлі толық дерек емес. Консорциумның мәліметіне қарағанда, жасырынған ақша 32 трлн. АҚШ долларына дейін жетуі мүмкін. Осы аптада ICIJ консорциумы панамалық Mossack Fonseca компаниясының мәліметтеріне сүйеніп, бұрынғы және қазіргі мемлекет басшыларының оффшорлық шотына қатысты 11,5 млн. құжатты жариялаған болатын. Бұл материалдар құжаттарды тіркеу қызметімен айналасатын панамалық компанияның атына байланысты «Панама құжаттары» (Panama Papers) деген атауға ие болды. Дастан Кенжалин. Дерек: europe.newsweek.com Фото:112.ua