13 Сәуір, 2016

Автобус пен жүк көлігі соқтығысып, 18 адам опат болды

283 рет
көрсетілді
1 мин
оқу үшін
13-04-2016 pakistanАСТАНА. 13 сәуір. Пәкістанның Пенджаб провинциясына қарасты Фейсалабад қаласында жолаушылар автобусы мен жүк көлігі соқтығысып, 18 адам қаза тапты. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. Автобус ішінде барлығы 50 адам болған. «Синьхуа» агенттігінің хабарлауынша, апаттың салдарынан 14 адам түрлі деңгейде дене жарақатын алды. Қазіргі кезде олардың бәрі ауруханаларға жеткізілді. Дәрігерлер олардың жағдайы жақсарғанын мәлімдеді. Алдын ала болжам бойынша, автобус алдындағы көлікті басып озамын деп жолдың қарсы бетіне шығып кеткен. Дәл осы кезде жүк көлігіне соқтығысқан. Автобус жүргізушісі оқиға орнында мерт болды. Аян Әбдуәли. Дерек: ТАСС. Фото: rian.com.ua.