Қостанайда бір күнде 3000 ағаш көшеті отырғызылады

ҚОСТАНАЙ. 14 сәуір. Қостанайда екі айлық санитарлық айлық акциясы басталып кеткен болатын. Биыл қала мен ауылдарда ағаш көшеттері көп егілетін болады. Бұл туралы Қостанай қаласы әкімдігінің баспасөз қызметіне сілтеме жасаған egemen.kz тілшісі хабарлады. Ауа райының ыңғайына қарай, қар еріп болысымен облыс орталығындағы көшелер мен аулаларда тазалық жұмыстары жүргізіліп жатыр. Әр ведомствоға, оқу орындары мен кәсіпорындарға тиесілі аумақтар бөліп берілген. Мысалы Қостанай қаласының орталығындағы Пушкин, Байтұрсынов көшелерін қалалық әкімдік қызметкерлері тазалап, көгалдандыратын болса, жеңіс  саябағы білім беру саласының еншісінде. 16 сәуір – «Бүкілқазақстандық ағаш егу күні» акциясы шеңберінде Қостанай қаласында ғана 3000 ағаш көшеті отырғызылатын болады. Нәзира Жәрімбетова. Дерек, фото: Қостанай қаласы әкімдігінің баспасөз қызметі.