Араб шейхінің гранты

қазақстандық 8 жасар оқушы қызға бұйырды Ата-анасы Абу-Дабиде жұ­мыс жасайтын қазақстандық Сайора Шотпақова есімді 8 жасар оқушы қыз мектепте бір жыл тегін білім беретін грант­тың ие­гері атанды. Оған бұл жолдаманы Біріккен Араб Әмір­ліктері мәдениет, жастар және қоғамдық даму министрі шейх Нахайян ибн Мүбәрак Әл Нахайян табыс етті. Оқушы қыздың жеңісі жөнінде жеткізген әкесі Ас­лан Шотпақов грантты 37 мек­­тепті қамтитын GEMS Education қорының бергенін ай­­тады. Мекеме БАӘ бірінші президентінің әйелдер құқығы үшін күрескен зайыбы Фатима бин Мүбәрактің құрметіндегі корольдік грант иегерлерін анық­тайды. Ол әр мектептен бір ғана оқушы қызға тапсы­рылады. Соған дейін 30 сы­ныптың үміткерлері мектеп комиссиясының сынағынан өтуі тиіс. – Грант шеңберінде акаде­миялық табыс, табиғатқа және қоғамға қосқан үлестер, лайық­ты азамат бола білу секілді төрт түрлі өлшемі қарастырылады. Тарихи грант негізінен жоғары сынып оқушыларына табыс етіледі. Бірақ биылғы жылы, соған қарамастан, грантты Сайораға беру жөнінде шешім қабылданды. Меніңше, ол осы грант тарихындағы оның ең жас иегері болуы керек, – деді Аслан Шотпақов. Ол қызының қазір үшінші сыныпта оқып жүргенін, ал грант­ты өткен жылы жеңіп ал­ғанын, бірақ оны тапсырудың мер­зімі енді ғана жеткенін айтты. Мұрат АЙТҚОЖА