Мектеп басшысы қандай болуы керек?

Қазіргі заманда білім беру ұйымының көшбасшысы қан­дай болуы керек? Ол қандай қасиеттерімен ерекшеленуі керек? Міне, «Өрлеу» БАҰО АҚ филиа­лы Жамбыл облысы бойынша пе­дагогикалық қызметкерлердің біліктілігін арттыру институтының ұйымдастыруымен өткен «Білім беру ұйымының іскер-көшбас­шысы» облыстық форумы осы сауалға жауап іздеді. Қазіргі таңда мектеп басшы­сының кәсіби құзыреттілігі зерт­­теушілік, басқарушылық, педа­гогикалық, коммуникативтік, диаг­ностикалық дағдыларды қамтиды. Форумның басты мақ­саты, білім беру жүйесінде шығармашыл басшының жоғары кәсіби деңгейін айқындау, кәсіби имиджін қалыптастыру және білім беру жүйесін жаңарту жағдайына жекелей қосқан үлесін зерделеу арқылы облыс көлемінде тарату болды. Байқау барлық аудандар мен Тараз қаласында өткізіліп, соның ішінде, әсіресе, Тараз қаласы мен Байзақ, Шу, Т.Рысқұлов, Жуалы, Қордай аудандарының білім бөлімдері байқаудың жоғары дең­гейде өтуіне ерекше атсалысты. 73 білім беру ұйымының басшысы қатысып, соның ішінде 12 мектеп басшысы облыстық байқауға жолдама алды. Сондай-ақ, байқау жеңімпаздары мен номинанттары зерттеулерінің нәтижелерін енгізу бойынша өз тәжірибелерімен, жаңалықтарымен бөлісті. Білім беру ұйымы бас­шы­лары­ның жетістіктері таныс­ты­рылып, байқау бейнероликтері, мультимедиялық тұсаукесерлер мен әдістемелік көрме көрсетіліп, нәтижесінде Тараз қаласындағы №43 орта мектебінің директоры Гүлнар Раптаева бас жүлдені жеңіп алды. Бибі АРҒЫНБАЙҚЫЗЫ, Жамбыл облысы бойынша «Өрлеу» педагог қызметкерлердің біліктілігін арттыру институтының бас маманы Жамбыл облысы