Әріптестік арқауы

Облыс әкімі Бердібек Сапар­баев Астана қаласындағы «Ұлт­тық ғылыми медициналық орталық» АҚ басқарма төрағасы, медицина ғылымдарының докторы Абай Байгенжин бастаған ғалым-дәрігерлермен кездесті. Өткен жылы елімізде «Саламатты Қазақстан» мемлекеттік бағ­дар­ламасын жүзеге асыру қо­рытындыланып, соның нә­ти­жесінде таяудағы төрт жыл­ға арналған «Денсаулық» бағ­дарламасы қабылданғаны белгілі. Өңір басшысы осы бағдарлама аясында облыста «Ақтөбе Ме­дикал Центр» медициналық клас­тері құрылатынын, оның еліміздің батыс аумағын медициналық қызметпен толық қамтамасыз етуге мүмкіндік бе­ретінін жет­кізді. Түрік инвесторының аймақ­тың медициналық жедел жәрдем көмегін дамытуға 5,5 миллиард теңге салуды жоспарлап отыр­ғанын айту орынды. Бұл қаржыға толық жарақтандырылған бас бекет салынады, 35 су жаңа реанимобиль жеткізіледі және бірыңғай диспетчерлік қызмет құрылады. Бұдан басқа, жедел жәрдем машинасын жинайтын зауыт салынады, қатерлі ісік аурулары үшін дәрілер өндірісі жолға қойылады деп күтілуде. Облыс әкімі мемлекет және жекеменшік әріптестігі аясын­да «Дару» клиникасында қалып­қа келтіру және сауықтыру кө­мектері көрсетілетінін жеткізді.Ауруларды анықтау және емдеу үшін тиімді зертханалық қызмет құрылатынын, медициналық клас­тер аясында облыстың бар­лық медициналық мекемелері болашақта тиісті бағыттар бойынша қайта маманданатынын атап өтті. Өз кезегінде «Ұлттық ғылы­ми медициналық орталық» АҚ басқарма төрағасы Абай Бай­генжин екі күн ішінде делегация мүшелері бірқатар медициналық мекемелерде болғанын, олардың материалдық-техникалық базаларына және кадрлық құрамына тәнті болғанын айтты. Ол облыс­тағы осындай мүмкіндік бола тұра, облыстың жүрек-қан тамырлары аурулары бойынша соңғы орындарда келе жатқанын да жасырмады. Емдеу мекемелеріндегі осы заманғы озық медициналық қондырғыларды толық қуатында пайдалану, ота жасаудың нор­мативтік өлшемдерін сақтау мәселелерін қозғады. Облыстың денсаулық саласымен байланыс­ты алда да нығайта түсетіндерін айта келіп, алдағы уақытта осын­да шеберлік кластарын өткі­зетіндерін, скрининг жүр­гізілетінін, тез медициналық кө­мек­ті қажет ететін жүрек-қан тамыр­лары ауруларымен ауы­ратындарды өздерінде емдейтіндерін жеткізді. Соның бәрі жергілікті бюджетке салмақ түсірмей, өз қаржыларына жүр­гізілетінін атап өтті. Кездесу соңында облыстық денсаулық сақтау басқармасы мен «Ұлт­тық медициналық орталық» АҚ арасында өзара әріптестік туралы меморандумға қол қойылды. Сатыбалды СӘУІРБАЙ, «Егемен Қазақстан» Ақтөбе облысы