Дзюдодан Қазақстан құрамасы Азия чемпионатына аттанды

АСТАНА. 14 сәуір. Ертең Өзбекстанның Ташкент қаласында дзюдодан Азия чемпионаты басталады. Онда Рио-де-Жанейрода өтетін Олимпия ойындарының лицензиялары сарапқа салынады.  Бұл туралы egemen.kz тілшісі хабарлады. Бұл сынға Қазақстан командасының жаттықтырушылар құрамы таңдаулы балуандарды апара жатыр. Атап айтсақ, ел намысын қорғайтын спортшылар арасында 2015 жылғы әлем чемпионы Елдос Сметов, 2009 жылғы әлем чемпионы Максим Раков, 2015 жылғы әлем чемпионатының күміс жүлдегері Рүстем Ыбыраев және биылғы жылғы әлемдік Grand Prix және Grand Slam сындарының барлығында жүлдеге ие болған Галбадрах Отгонцегцег бар. Қазақстанның ерлер құрамасында Елдос Сметов (60 кг), Рүстем Ыбыраев (60 кг), Жансай Смағұлов (66 кг), Елдос Жұмақанов (66 кг), Дастан Ықыбаев (73 кг), Дидар Хамза (73 кг), Әзиз Қалқаманұлы (81 кг), Дәулетхан Жақыпов (81 кг), Максим Раков (100 кг), Ержан Шынкеев 100 килодан аса салмақ) кілемге шығады. Әйелдер құрамында Александра Подрядова (48 келі), Галбадрах Отгонцецег (48 келі), Ленария Мингазова (52 келі), Айкүнім Түйтекова (52 келі), Назгүл Құбашева (57 келі), Анна Казюлина (57 келі), Мариан Ордабаева (63 келі), Жанар Қашқын (70 келі), Дильбар Умиралиева (70 келі), Альбина Амангелдиева (70 келі) және 78 килодан аса салмақтағыГүлжан Исанова белдеседі. Азия чемпионаты 15-17 сәуір күндері өтеді. Оны «Kazsport» телеарнасы көрсетеді. Белдесулер Астана уақытымен 18:00-де басталады. Дастан Кенжалин. Дерек, фото: egemen.kz