Ұлт бірлігі ұйыстыра түседі

Адам баласы үшін қайда өмір сүру маңызды емес, маңыздысы – тыныш заман, бала-шағаңның арасында, олардың күміс күлкісіне оранып шат өмір сүру, уайымсыз еңбек ету. Біз тағдырдың жазуы­мен кең-байтақ қазақ жерінде, алып жос­парларды алдына қойған Қазақстан мемлекетінде өмір сүрудеміз. Қазақ даласында адам бала­сының уайымсыз, қауіпсіз өмір сү­руі үшін қажетті жағ­­дайлардың бар­лығы жасалынған – ересектер қызметте, уа­қытында жалақысын алып тұ­рады, балалар сабағын оқып, тиісті тәлім-тәрбиесін алуда, қарт­тарымыз зейнет өмірінің қуанышын бастан өткеруде. Осы жарасымды тірліктің кейінгі ұр­пақтарымызға жалғасуына барынша тілекшіміз. Әлем елдеріндегі әртүрлі ахуал­дардан хабардар бола отырып, олардың қайғысына қина­ла қа­раймыз. Жылы үйін, орнықты тұрмысын тастап, аяқ астынан бос­­қынға айналған мил­­лиондаған адам­дардың, аш-жалаңаш, ауру меңдеген ба­ла­лардың өмірі кез келген жанды бейжай қалдыра алмайды деп ойлаймын. Біздің еліміз – тәу­елсіз Қазақ­стан бей­­бітшіліктің ұясы, ын­тымақтың ордасы. Мұнда сандаған ұлт­тың өкілдері тату-тәтті ғұ­мыр кешуде. Қа­зақтың киіз үйіне қадалған уықтар тәрізді бар­лығымыз білек пен тілек бірік­тіріп, бір ортақ шаңырақты көкке көтеріп келеміз. Елбасымыз Нұрсұлтан Назарбаевтың ұлт­ара­лық татулықтың тамырын те­­реңге жіберу, ымырашылдық пен бауырластық идеясы жарасым тапқан еліміздің саясатына, бағытына қазір әлем елдері қызы­ғушылық танытып отыр. Пре­зи­дентіміз ядролық қаруды ауыз­дықтау, жер бетінде соғысты бол­дырмау идеясын ұсынып, түр­лі келеңсіздіктердің ал­­­­дын алу­ға қатысты алып бағ­дар­лама жа­­сақ­­тау қажет екен­дігін әлем ел­де­рінің назары­на берді. Бұл да –  қа­зақ­стандық бейбітшілік сүйгіш ұс­та­нымның нақты нәтижесі, кө­рінісі. Бейбіт еліміздің берекесі артып, іргесі нығая түсуі үшін, ба­ла­ла­рымыз бақытты өмір сү­руі үшін еңбек етіп келеміз. Болашағымыз берік, бақуатты бол­сын деген тілек – барша қа­зақ­стандықтардың ортақ тілегі деп білемін. Ол үшін кең дала­ны мекен етуші ұлттар өзара ұйыса түсуі қажет. Айрапет КУРДОГЛЯН, «Ехпайрутюн» армян этномәдени бірлестігінің төрағасы АҚТАУ