Астанада қоқыс жәшігі маңынан жаңа туған нәресте табылды

АСТАНА. 25 сәуір. Астанада мемлекеттік қызметкерлер жатаханасындағы қоқыс жәшігінің қасынан жаңа туған нәресте табылды. Бұл туралы NewTimes.kz-ке сілтеме жасаған egemen.kz тілшісі хабарлады. Куәгерлердің айтуынша, нәресте 22 сәуір күні сағат шамамен 22:00-де мемлекеттік қызметкерлер жатақханасының қоқыс жәшігі маңынан табылған. Дер кезінде полиция шақырылып, сәби жедел жәрдемнің көмегімен №1 перинатальді орталыққа жеткізілген. Аталған орталықтың дәрігерлері бұл ақпаратты растады. Сондай-ақ, олар нәресте қазір жансақтау бөліміне жатқызылғанын айтты. Әзірге оның жағдайы туралы нақты мәлімет жоқ. Талғат Райымбек. Дерек: NewTimes.kz. Фото: egemen.kz.