Қарттар әрдайым әскерилер назарында

Қазақстан Қарулы Күштерінің әскери қызметшілері өздерінің жауынгерлік даярлығын арттыруға үлгеріп қана қоймай, сонымен бірге, Ұлы Отан соғысының арда­герлеріне, қамқорлық пен ықы­ласқа мұқтаж адамдардың бар­лығына арнап қайырымдылық іс-шараларын өткізуде. Астана қаласының Қарттар үйінде Отан қорғаушы күні қарсаңында 68665 әскери бөлімінің 70-тен аса әскери қызметшісі ардагерлер мен қарияларға көмек көрсетті.  Осы бөлімнің офицерлері мен сержанттары әжейлер мен аталарға ұдайы барып, хал-жағдайларын сұрастырып тұрады. Оларға шаруа­шылық бойынша қолғабыс етеді, бау-бақшаның жерін қазып береді, аумақтарын тазалайды, күркелер мен орындықтарды жөндейді. «Ардагерлерге қолұшын соза ала­тынымызға қуаныштымыз. Мінеки, біз екінші жыл қатарынан келіп, көмек көрсетіп жатырмыз. Олармен әңгіме-дүкен құрамыз, концерттер өткіземіз, әртүрлі іс-шаралар ұйым­дастырамыз.  Мұның барлығы біз­ге патриотизм сабақ­тарын, дәс­түр сабақ­тастығын береді. Қамқорлыққа мұқтаж жандардың жанында болу біз үшін үлкен құрмет», – деді 68665 әскери бөлімінің взвод командирі, аға лейтенант Диас Ахметов. «Жас жігіттер бізге үнемі келіп тұрады және шаруашылық жұмыс­­тарға көмектеседі, қызмет тура­лы хикаяларымен бөліседі. Ер­лік сабақтары мен концерт­тер өткі­зеді. Бозбалалардың Отанға адал қыз­мет етіп, бізді ұмыт­пайтындары қуан­тады», – деді Ұлы Отан соғы­сының ардагері Олег Линник. Қазақстан Қарулы Күштерінің әскери қызметшілері қайырымдылық іс-шараларын ұдайы өткізіп тұраты­нын айта кетейік. Балалар үйі мен қарт­тар үйін, ҰОС ардагерлерін қам­қор­лыққа алады. Жан жылуы мен қам­қорлыққа зәру жандарға көмектеседі. «Егемен-ақпарат»