Алматылықтар тұтынатын тауар

1 жылда 3 миллиард долларды құрайды Алып шаһардың халқы тұты­натын тағамдардың басым бөлігі – шетелдерден әкелінген импорт­тық өнімдер. Сондықтан да ел көлемін­дегі дүкен сөрелерін сырт­­тан кел­ген өнімдер басып кет­­кеніне алаң­даған Алматы қала­­сы­ның әкімі Бауыржан Байбек бұл мәсе­лені оң шешуге қол жеткізді. Осы­ған орай, өз өнім­­дерін сауда нүк­те­леріне делдал­сыз жет­кізуге мүм­кіндік бере­тін мемо­ран­дум­­ға Алма­тыда­ғы ірі сауда желі­лері мен Ал­маты облысының ауыл­­шаруа­шы­лық кооператив өкіл­дері қол қойды. «Импорттың үлесін азайту үшін Алматы, Жамбыл және Оң­түс­­тік Қазақстан облыстарымен ара­дағы байланысты нығайту қажет», деген мамандар шаруа қо­жа­лықтарын кооперативтерге бірі­гуге шақырды. Бүгінде қала дүкен­деріндегі тауарлардың 37 па­йызы шетелдік өнімдер, отандық тауар­дың ара салмағы небәрі 35 пайыздан аспайды. Бір ғана ірім­шік пен құс етінің 50 пайызы сырттан жеткізіледі. Осы теңсіздікті жою мақ­сатын­да қала басшысы жалпы құны 8 миллиард теңгені құрайтын жылыжай соғып, жыл он екі ай отандық өнім­мен қала дүкендерін қамтамасыз ету жо­лын ұсынуда. Қанат ЕСКЕНДІР, «Егемен Қазақстан» Алматы