22 Қаңтар, 2011

Нақты шешімдер көшбасшысы

267 рет көрсетілді
Кеше «Нұр Отан» ХДП Астана қалалық филиалының ХІV есеп беру-сайлау конференциясы өтті. Елордадағы Сарыарқа, Есіл, Алматы аудандарында өткен есеп беру конференцияларынан сайланған нұротандық белсенді делегаттар алдымен филиалдың есеп беріліп отырған кезеңінде атқарылған жұмыстармен танысты. Ол жайында баяндаманы «Нұр Отан» ХДП Астана қалалық фи­лиа­лы төрағасының бірінші орын­басары Әмірхан Рахымжанов жа­сады. Жылдан жылға партияға мү­­шелердің саны артып, бас­тауыш партия ұйымдарының да қарасы молайғанын айтқан ол нақты мы­надай сандарды алға тартты. Атап айтқанда, 2011 жылдың 1 қаң­та­рын­да қаладағы партия мү­шелері­нің саны 30 054-ке жеткен. Бұл дегеніміз, өткен жылы партия қа­тары қала бойынша 9 571 адамға өскенін көрсетеді. Со­нымен қ­а­тар, өткен жылы партия қатары­нан түрлі себептермен 3 063 адам шығарылған. Олардың басым бө­лігі партия жарғысын орында­мау бойынша шығарылса, 0,6 пайызы партиядан коррупциялық қарекет­тері үшін аласталған. Елбасының сарабдал саясаты арқасында біздер жаңа биіктерді бағындыруда­мыз, деген Әмірхан Рақымжанов алға қойған мақсаттарға жету үшін партия мүшелері қоғамның қозғаушы күші болуы тиіс деп ой түйіндеді. Конференцияны басынан ая­ғы­на дейін қала әкімі Иманғали Тас­мағамбетов жүргізіп отырса, оның жұмысына Парламент Се­натының Төрағасы Қасым-Жо­март Тоқаев қа­тынасып, сөз сөй­леді. Ол өз сөзінде «Нұр Отан» партиясы­ның астана­лық филиа­лының мүше­лерін Қазақ­стан Рес­публикасының Тұң­ғыш Пре­­зи­денті Нұрсұлтан Назар­баевтың өкі­леттігін ұзарту жөнін­дегі ре­фе­рен­думды өткізу бастама­сын қол­дауға шақырды. «Аз ғана мер­зім ішінде партиямыз­дың Төр­аға­­с­ы, Тұң­­ғыш Президентіміз – Ел­б­асы Нұр­с­ұлтан Назар­баев­тың ерік-жігері мен саяси көреген­дігі­нің ар­қа­сында еңсерген асулары­мыз көп. Қол жеткізген жетістік­тердің сыры – Президенті­міз­дің көреген­дік, жасампаз страте­гия­сында. Бұл стратегия ең алды­мен халықтың ырысын молайтып, бірлігін нығай­туға, ұлт­тық мүдде­мізді қорғауға ба­ғыттал­ған. Яғни, бола­шақ да­муы­мыздың бірден-бір кепілі. Төрт­күл дүние Ас­тананы саяси, экономика­лық және діни ма­ңызы зор ірі ор­та­лық ретінде біледі. Қа­зақ елі мен Елбасының беделін ас­қақ­тат­қан ЕҚЫҰ Саммиті­нің жо­ға­ры деңгейде өткені соны тағы бір айшықтады. Мемлекет бас­шысы Астананы елдің тірегі, үй­ле­сім мен бірліктің ұйытқысы, ақыл мен күш-қайраттың алтын діңгегі деп санайды», – деді Сенат Төрағасы. Бүгін төрткүл дүниенің Отаны­мызды дамыған, экономикасы тұ­рақ­танған ел ретінде мойындауы және еліміздің азаматтық қоғам құру жолының оң бағасын алып, белді-белді халықаралық ұйым­дар­ға төрағалық ету құрметіне ие болып отырғаны ұлттық санамыз­ды нағыз егемендік деңгейге жеткізуге тиіс, деген де ойын жеткізді Қасым-Жомарт Кемелұлы. Және ол елдегі барлық жетістіктің Ұлт Көшбасшысының есімімен тығыз байланысты екенін баса айтты. Конференцияға қатысушылар жиында партияның алдағы бола­тын XIIІ съезіне делегаттар сайлаумен қатар, «Нұр Отанның» қа­лалық фи­лиалының төрағасын да айқында­ды. Сөйтіп, конфе­рен­­ция­ға қатысу­шы 237 делегат Иманға­ли Тас­ма­ғамбетовтің кандидатура­сын бір­ауыз­дан қолдады. Ал пар­тияның елордалық филиалы төр­ағ­асының бірінші орынбасары бо­лып Әмір­хан Рақымжанов қай­та сайланды. Жалпы, конференцияның күн тәртібіне 8 мәселе шығарылып, олардың барлығы бойынша тиісінше тыңдаулар болды және шешімдер қабылданды. Анар ТӨЛЕУХАНҚЫЗЫ. Астана.
Соңғы жаңалықтар

Ұқсас жаңалықтар