Жұртшылық сенім артқан ұйым

Соңғы күндері «Нұр Отан» партиясының аймақтағы филиал­дары есеп беру-сайлау конференцияларын өткізіп жатыр. Өткен жылдың қорытындысын шығарып, жаңа құрамын сайлап, болашақ бағдарын белгілеп алу партияның қашаннан бергі дәстүрі. Бұл дәстүрден Сыр бойындағы нұротандықтар да сырт қалған жоқ. Бұрнағы күні «Нұр Отан» ХДП Қызылорда облыстық филиалы есеп беру-сайлау конференциясын өткіз­ді. Оған Астанадан арнайы ат ары­тып «Нұр Отан» ХДП Саяси кеңесі бюросының мүшесі, Білім және ғылым министрі Бақытжан Жұма­ғұлов, Парламент Мәжілісі­нің депу­таты Қылышбай Бисенов, Парламент Сенатының депутаты Бақ­­бер­ген Досмамбетов келіп, қатысты. Конференциядағы алғашқы сөз Қызылорда облысының әкі­мі, «Нұр Отан» ХДП Қызылорда облыстық филиалы саяси кеңесі бюросының мүшесі Болатбек Қуандықовқа тиді. Аймақ бас­шысы облыс шеңберінде атқа­рыл­ған ауқымды істердің айту­лы­ларына тоқталды. Бүгінгі «Нұр Отан» ха­лықтық-демократиялық партия­сы­ның об­лыс­тық конферен­ция­сы өңірдің өркендеуіне серпін  беретін саяси шара болып отыр, деп бастады Болатбек Баянұлы сөзін. Аймақ хал­қы­ның әл-ау­қатын арт­тыру мен облыс эконо­­микасын нығайту ба­ғы­тын­да­ғы жұмыстарға серпін беретін үде­мелі индус­триялық-ин­нова­ция­лық даму бағ­дар­лама­сын жү­зе­ге асырып келеміз. Эко­но­ми­ка­лық идеологияға айналған бас­тама аясында былтыр аймақта бір­қатар кәсіпорындар іске қосы­лып, мыңдаған адам жұмыспен қам­тыл­ды. Сондай-ақ «Нұр Отан» пар­тиясының халықтық Тұғырна­масы­мен бірге ХІІ съезд алға қойған мақсат-міндеттерді жүзеге асыруда партияның белсенді мү­ше­лерінің жергілікті атқарушы ор­ган­дармен бірлесе жұмыстар ат­қаруының және аймақ халқы­ның ерен еңбегінің  арқасында об­лыс экономикасының барлық  салалары қарқынды дамып, жо­ғары көрсеткіштерге қол жеткізілді, деді ол. Облыс басшысынан кейін сөз алған «Нұр Отан» ХДП Қызыл­орда облыстық филиалының төр­ағасы Нұрлан Құдайбергенов партия атқарған істерге тоқталды. Бүгінде «Нұр Отан» партия­сы­нан араша сұрап, әділеттілік іздеп келетіндер көп. Бұл – партияның ел арасындағы беделінің нақты көр­сет­кіші. Қызылорда облысын­да пар­тия­ның сыбайлас жемқор­лық­қа қар­с­ы қоғамдық кеңесі жұ­мыс істейді. Жыл бойына аталған кеңеске халық тарапынан 20 жазбаша, 25 ауызша арыз-шағым түс­кен. Арыз­дың бәрі бүге-шігесіне дейін қара­лып, тиісті орындарға жіберілген. Оның басым бөлігі оң шешімін тап­қан. Сонымен қатар, облыс шең­берінде пар­тия­ның 245 партия­лық бақылау бекеттері бар. 735 мү­ше­сі бар аталған бекеттер «бар­мақ басты, көз қыстыны» қада­ғалап, мемлекет қаржы­сы­ның ысы­рап бол­мауын бақылап отыр. «Халық – Құдайдың бір аты» дейді қазақ. Ал «Нұр Отан» сол халықтың сенімі үшін жұмыс істеп жатыр. Конференция барысында «Нұр Отан» ХДП Қызылорда облыстық филиалы бақылау-тексеру комис­сия­сының төрайымы Сапура Әб­дірахымова да сөйледі. Оның сөзі де көпшілік көңілінен шықты. Конференция кезінде «Нұр Отан» ХДП «Тұран» фи­лиа­лы­ның төрағасы, Қорқыт Ата атын­дағы Қызылорда мемлекеттік уни­вер­ситетінің ректоры Байзақ Момын­баев, Қармақшы ауданы, ІІІ Интернационал бастауыш ұйы­мының төрайымы Гүлжәмила Тоқ­тар­бекова, Қызылорда қала­лық фи­лиа­лы­ның «Жас Отан» жастар қанаты кеңесінің атқару­шы хат­шысы Еркебұлан Меңлі­баев жа­рыс­сөзге шықты. Алқалы жиын­ның соңын­да Білім және ғылым министрі Бақытжан Жұ­ма­ғұлов құттықтау сөз айтты. Содан кейін «Нұр Отан» ХДП Қызыорда облыстық филиалы саяси кеңе­сі­нің 37 адамнан тұратын құра­мы сайланды. Сондай-ақ бақы­лау-тек­серу комиссиясының да құра­мы бекітілді. Ал Бақытжан Жұма­ғұлов осыған дейін облыс­тық фи­лиалды басқарып келген Нұрлан Құдайбергеновтің кан­ди­да­тура­сын төрағалыққа қайта ұсын­ды. Кон­фе­ренцияға келген делегаттар Нұрлан Баязитұлы­ның кандида­тура­сын бір­ауыздан қолдады. Ержан БАЙТІЛЕС. Қызылорда.