Қазақстан Республикасы Үкіметінің қаулысы №246

2016 жылғы 25 сәуір,   Астана, Үкімет Үйі «Шетелдік ресми құжаттарды заңдастыруды талап етудің күшін жоятын  конвенция (Гаага, 1961 жылғы 5 қазан) ережелерін іске асыру жөніндегі шаралар туралы» Қазақстан Республикасы Үкіметінің 2001 жылғы  24 сәуірдегі №545 қаулысына өзгеріс енгізу туралы Қазақстан Республикасының Үкіметі қаулы етеді: 1. «Шетелдік ресми құжаттарды заңдастыруды талап етудің күшін жоятын конвенция (Гаага, 1961 жылғы 5 қазан) ережелерін іске асыру жөніндегі шаралар туралы» Қазақстан Республикасы Үкіметінің 2001 жылғы 24 сәуірдегі №545 қаулысына (Қазақстан Республикасының ПҮАЖ-ы, 2001 ж., №15, 191-бабы) мынадай өзгеріс енгізілсін: 2-тармақтың алтыншы абзацы мынадай редакцияда жазылсын: «Қазақстан Республикасы Жоғарғы Сотының жанындағы Соттардың қызметін қамтамасыз ету департаменті (Қазақстан Республикасы Жоғарғы Сотының аппараты) (келісім бойынша) - сот органдарынан шығатын ресми құжаттарға;». 2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі. Қазақстан Республикасының Премьер-Министрі К.МӘСІМОВ