Театрлар мәселесі арнайы талқыланады

Театрдың құрылымдық және оның шығармашылық ерекшеліктеріне қатысты мәселе жеке қаралады. Мә­жілістің Әлеуметтік-мәдени даму комитетінде құрылған жұмыс тобының мүшелері осындай шешімге келді. Айта кету керек, жұмыс тобының отырысында «Қазақ­стан Республикасының кейбір заңнамалық актілеріне мәдениет мә­селелері бойынша өзгерістер мен толықтырулар енгізу туралы» заң жобасы талқыға салын­ды. Аталған заң жобасы бо­йынша «Мәдениет туралы» қол­даныстағы заңның «Театрлар» деп аталатын 22-бабына өзгерістер енгізу көзделген болатын. Депутаттар заң жобасы бо­йынша әзірленген салыстыр­ма кестедегі Сауытбек Абдрахманов, Майра Айсина, Гүлмира Исім­баева, Бекболат Тілеухан, Фах­рид­дин Қаратаев ұсынған түзе­тулерді қарады. Бекболат Ті­леу­хан жетекшілік еткен жұмыс то­бының отырысында Нұртай Са­бильянов, Нұрлан Дулатбеков, Кәрібай Мұсырман, Майра Айсина және басқа да депутаттар өз пікірлерін білдірді. Отырыста мемлекеттік тапсырыспен шығарылатын кітаптарды еліміздегі кітап­хана­ларға табыс ету мәселесі де талқыға салын­ды. Жұмыс тобының мүшелері бұл мәселе әлі де зерттей түсуді қажет етеді деген тоқтамға келді. Сондай-ақ, «Қазақстан Театр қайраткерлері одағы» РҚБ төрағасы Тұңғышбай Жа­ман­құлов Қазақстан Жазушылар, Композиторлар, Сурет­ші­лер сияқты шығарма­шылық одақ­тарды үкіметтік емес ұйымдардың қатарына қос­пау керектігін айтты. Депутаттар театрлардың бүгінгі өзекті мәселелерін ескере келіп, қолданыстағы заңға жаңа түзе­тулер енгізеді деген сенімін жет­кізді. Жұмыс тобының келесі отырысында театрға қатысты мәселе тағы да талқыға санылатын болды.  «Егемен-ақпарат»