Түсіністік – татулықтың кепілі

«Нұр Отан» партиясының аймақтық және аумақтық барлық қоғамдық қабылдау бөлмелері Қазақстан халқы Ассамблеясының аймақ­тағы этномәдени бірлестіктері­мен үндесе отырып, халық арасындағы достықты, ынтымақты нығайту және тұрақтылықты насихат­тау мақсатында жер-жер­де «Бірыңғай азаматтар­ды қабылдау күні» респуб­ли­калық акциясын өткізді. Іс-шараға «Нұр Отан» пар­тиясы еліміздегі этномәдени бірлестіктердің өкілдерімен бірге Парламент Мәжілісі, облыстық, аудандық мәслихаттар депутаттары да қатысып, шалғай елді мекен­дерге шығып, азаматтарға Ел­ба­сының «Әлем. ХХI ғасыр» мани­фесі, «Қазақстан-2021: Бірлік. Тұрақ­­тылық. Жасампаздық» атты сай­лауалды бағдарламасын және Қазақстан халқы Ассамблеясының саясатын жан-жақты түсіндірді. Сонымен қатар, тұрғындарды жеке мәселелері бойынша қабылдаулар жүргізіп, көптеген түйінді мәсе­лелерді шешуге ықпал етті. Соның ішінде ұлттар досты­ғының іс-шарасына еліміздегі қазақ, орыс, белорус, өзбек, неміс, ұйғыр, корей және өзге де ұлттық бірлестіктердің өкілдері қатысып, өздеріне жүктелген міндеттерді абыроймен орындады. Жалпы алғанда, өткізілген республикалық акцияда тағы да ұлттар арасындағы татулықтың, достықтың және туысқандықтың туы желбіреп тұрды. Асқар ҚҰМАРБАЙ, «Нұр Отан» партиясы республикалық қоғамдық қабылдау бөлмесінің консультанты