Толайым табыс

«Қазақстан темір жолы» ҰК» акционерлік қоғамының үстіміздегі жылдың төрт айындағы таза кірісі 32,6 млрд. теңге құрады Қазақстан аумағы арқылы өтетін транзиттік контейнерлік тасымалдау бойынша көрсеткіш 2016 жылғы қаңтар-сәуір кезеңінде өткен жылдың осындай мерзімімен са­лыс­тырғанда 205%-ға өсті. Бұл компанияның Швейцария фран­кіндегі валюталық кірісін кө­бейтіп, қаржылық  нәтижесінің арт­­қандығын дәлелдеп, толайым та­бысқа қол жеткізуге мүмкіндік берді. Компанияның биылғы жылдың төрт ай ішіндегі таза кірісі 32,6 млрд. теңге құрады. 2006 жылы 350 млн. АҚШ доллары сомасына 10 жылдық еуро облигацияларды өтеу мақ­сатында, компания бағалы қағаз иелерінің одан әрі өтем жасауы үшін эмитент – Kazakhstan Temir Zholy Finance B.V. компаниясына барлық қаражатты төледі. Кредиторлар алдындағы мін­дет­темелерін уақтылы әрі толық орын­дауы арқылы «ҚТЖ» ҰК» ак­ционерлік қоғамы өз мәр­­т­ебе­сін осылайша ойдағыдай растады. Ком­пания қарыз алушы ре­тінде тұ­рақты бизнес-стратегиясы­мен ха­­лықаралық рейтингтік агент­тік­терінің Moody’s – Baa3; Fitch – BBB; S&P – BB кредиттік рей­тинг­теріне ие болды. Марат АҚҚҰЛ, «Егемен Қазақстан»