Мың жыл бұрынғы жәдігерлер табылды

АСТАНА. 12 мамыр. Финляндияның оңтүстігіндегі Хямеэнкоски  провинциясынан мың жыл уақыт бұрынғы тиындар табылды. Бұл туралы 24.kz-ке сілтеме жасаған egemen.kz тілшісі хабарлады. Мамандардың айтуынша, тарихи жәдігерлер викингтерге тиесілі болған. Қазба жұмыстары кезінде барлығы 300 тиын табылды. Ғалымдар олардың жақсы күйде сақталғаны зерттеу жұмыстарының да нәтижелі болуына ықпалын тигізетінін айтты. Сонымен қатар, арасынан византиялық тиындардың да бар екені анықталды. Археологтардың болжамы бойынша, құнды заттардың сол тұстағы иесі әдейі жасырып қойған. Ол кезеңдегі тұрғындар мұндай қадамға жиі барып тұрған. Айта кетейік, викингтер – норвегтердің, даттардың, шведтердің арғы ата-бабалары болып есептеледі. Мәліметтер бойынша, бұл сөздің тікелей аудармасы «қойнаудан шыққан адам» деген мағына береді. Сол тұстары қойнаулар мен шығанақтарда жасырынып жүретін теңіз қарақшыларын осылай атаған. Аян Әбдуәли. Дерек, фото: 24.kz.