Министрдің есепті кездесуі өтеді

2016 жылғы 23 мамырда сағат 11.00-де Астана қаласындағы «Қазақконцерт» мемлекеттік концерттік ұйымының ғимаратында Қазақстан Республикасының Мәдениет және спорт министрі Арыстанбек Мұхамедиұлының халыққа есеп беру кездесуі өтеді. Кездесу барысында министр министрлік қызметінің негізгі бағыттары мен жетекшілік ететін салаларды дамытудың міндеттері туралы баяндайды, сонымен қатар халықты толғандыратын сұрақтарға жауап береді. Министрге кездесу барысында, сондай-ақ алдын ала 12 мамырдан бас­тап Call-орталығының (тел.: 91-90-35, ішкі 608, 609) операторлары арқылы және министрлік сайтының (www.mks.gov.kz) арнайы бөлімінде сұрақтар қоюға болады. Өңірлердің тұрғындары үшін онлайн режімде сұрақтар қоюға мүмкіндік беретін бейнеконференцбайланыспен қамтамасыз етіледі. Министрдің есепті кездесуінің тікелей көрсетілімі www.bnews.kz ақпараттық интернет-порталында және министрліктің сайтында (www.mks.gov.kz) жүргізіледі.