Жасқайрат ауылында ескерткіш тақта ашылды.

ПАВЛОДАР. 12 мамыр. Өңірдегі Қашыр ауданы, Жасқайрат ауылының тұрғындары, ауылдан шыққан азаматтар өздері қаржы жинап, 9 мамыр күні мерекелік іс шара өткізіп, Ұлы Отан соғысы ардагерлерінің есімі жазылған ескерткіш тақта орнатты. Бұл туралы egemen.kz тілшісі хабарлады. Игі істі қолға алған Т.Мұқанов, И.Щербак, С.Дүйсембеков, С.Қамаров, Н.Бисембаев секілді атымтай жомарт жандарға халық алғыс айтуда. Ескерткіш тақтаның ашу құрметі ауылдан соғысқа аттанған, ардагерлер Қайыр Хасенов, Рамазан Мұқаметқалиевке жүктелді. Тақтада ауылдан соғысқан аттанған 84 майдангердің есімдері жазылды. Олардың 51 бірі соғыста қаза тауып, хабарсыз кетсе, 33 елге оралды. Ескерткіш мектептің алдына орналасқан. Енді жыл сайын ауыл тұрғындары 9 мамыр осы жерге жиналмақ. Соғыстан оралмаған, қаза тапқан, қайтыс болған ауылдастарын еске алып, есімдерін мәңгі сақтайды. Фарида Бықай. Дерек, фото: egemen.kz.