Спорт • 28 Наурыз, 2025
Алматыдағы ADD аренада үстел теннисінен еліміздің чемпионаты аяқталды. Жарысқа 186 спортшы қатысты. Ерлердің жекелген сайысында Кирилл Герасименкоға тең келер ешкім табылмады. Финалда ол Алан Құрманғалиевті қапы қалдырса, Айдос Кенжеғұлов пен Санжар Жұбанов қола медальды иеленді. Сондай-ақ Герасименко жұптық және аралас жұптар бәсекесінде бас жүлдені олжалады. Әйелдер арасындағы жарыста Зәуреш Ақашева алтыннан алқа тақты. Жанерке Көшкімбаева күміс алса, Сарвиноз Мірқадырова мен Альбина Жақсылықова қола медальды еншіледі.
Күрес • 27 Наурыз, 2025
Өткен аптада жарық көрген «Азияның мықтылары белдеседі» атты мақалада Иорданияның астанасында шымылдығы түрілген Азия чемпионатын тілге тиек ете отырып, еліміздің грек-рим күресі шеберлерінің өнеріне баға берген едік. Бүгінгі мақалада еркін күрес шеберлері туралы баяндауды жөн көріп отырмыз.
Күрес • 22 Наурыз, 2025
25-30 наурыз аралығында Иорданияның астанасы – Амманда күрес түрлерінен Азия чемпионатының жалауы желбірейді. Бұл байрақты бәсекеге еліміздің балуандары да тыңғылықты даярланды. Бұған дейінгі сары құрлықтың басты додасында жерлестеріміз қалай өнер көрсетті? Бүгінгі мақаламызда грек-рим күресі шеберлерінің жүріп өткен жолына бір көз жүгіртіп өтуді жөн көрдік.
Спорт • 22 Наурыз, 2025
25 наурызда АҚШ-тың Бостон қаласындағы ТД-гарден аренасында мәнерлеп сырғанаудан әлем чемпионатының шымылдығы түріледі. Келесі жылы Апеннин түбегінде алауы тұтанатын қысқы Олимпия ойындары мен Чехиядағы дүниежүзілік доданың жолдамалары сарапқа салынатын байрақты бәсекеде еліміздің намысын Михаил Шайдоров пен София Самоделкина қорғайды.
Спорт • 19 Наурыз, 2025
Жапонияның Наоми қаласында спорттық жүрістен Азия чемпионаты аяқталды. Доданы еліміздің құрамасы қос жүлдемен қорытындылады. 20 шақырымдық қашықтықты 1 сағат 13 минут 07 секундта жүріп өткен Георгий Шейко күміспен күптелсе, әйелдердің сайысында Жасмин Тоқсанбаева қолаға қол жеткізді. Оның көрсеткіші – 1:33:11.
Спорт • 17 Наурыз, 2025
Елена Рыбакинаны еңсерген теннисші АҚШ-та топ жарды
АҚШ-тың Индиан-Уэллс қаласында жүлде қоры 9 693 540 долларды құраған аса ірі халықаралық турнир аяқталды.
Спорт • 17 Наурыз, 2025
Геннадий Головкин Сауд Арабиясында маңызды кездесулер өткізді
Еліміздің Ұлттық Олимпиадалық комитетінің (ҰОК) президенті, World Boxing Олимпиадалық комиссиясының төрағасы Геннадий Головкин Сауд Арабиясына сапары барысында бірқатар маңызды кездесулер өткізді.
Спорт • 17 Наурыз, 2025
Александр Бублик финалда ұтылды
Теннистен Қазақстанның бірінші ракеткасы Александр Бублик АҚШ-тың Финикс қаласында өткен Challenger турнирінің финалында ұтылды.
Спорт • 13 Наурыз, 2025
5 сәуірде Астанада өтетін кәсіпқой бокс кешінде Балауса Мұздиман да өнер көрсетеді. Осыған дейін алты кездесу өткізіп, барлығында басымдық танытып, бес қарсыласын нокаутқа жіберген Балауса америкалық Розалинда Родригеспен (14-0, 3 КО) күш сынасады. Жарыстың басты бәсекесінде WBO мен IBF нұсқаларының чемпиондық белбеуінің иегері Жәнібек Әлімханұлы Францияның өкілі Анауэль Нгамиссенгемен жұдырықтасады.
Спорт • 13 Наурыз, 2025
Әлем чемпионатына 10 спортшы аттанды
14 наурызда Бейжіңде шорт-тректен ерлер мен әйелдер арасындағы әлем чемпионаты басталады. Дүбірлі додада еліміздің намысын 10 өреніміз қорғайды.
