Спорт • Кеше
Елімізде ұлттық спорт түрлерінің дамуына бірден-бір үлес қосып жүрген мекеме – Оқу-ағарту министрлігіне қарасты Ұлттық ғылыми-практикалық дене тәрбиесі орталығы. Наурыз мерекесі қарсаңында аталған орталықтың бас директоры, кезіндегі Азия чемпионаты мен студенттер арасындағы әлем біріншілігінің жүлдегері, Сидней мен Афина Олимпиадасына қатысқан танымал дзюдошы Сағдат Садықовпен әңгімелескен едік.
Спорт • 17 Наурыз, 2023
21 наурызда Алматыда кәсіпқой бокс кеші өтеді. Осы жарыстың басты жекпе-жегінде Жанқош Тұраров пен мексикалық Алехандро Менесес күш сынасады. Олар IBO Intercontinental нұсқасының чемпиондық белбеуін сарапқа салады.
Спорт • 16 Наурыз, 2023
Азияның мықтылары Астанада анықталады
Күрес түрлерінен Азия чемпионатының тұсауы осыдан 44 жыл бұрын кесілген еді. 1979-2022 жылдар аралығында 35 жарыстың жалауы желбіреді. Алғашқы екі дода тек еркін күрес шеберлері арасында өтсе, үшіншісінде олардың қатарына «классиктер» қосылды. 1996 жылдан бері бозкілемге бұрымдылар шыға бастады. Сол бәсекелердің төртеуі Қазақстанда ұйымдастырылды. Атап айтсақ, аталған сайыс 2004, 2006 және 2021 жылдары Алматыда өтсе, 2014 жылғы жарысты Астана қабылдады. Міне, енді сары құрлықтың ең белді балуандары қайтадан Алаш топырағында бас қосқалы жатыр. Бұл белдесулер 7-14 сәуір аралығында өтеді.
Спорт • 13 Наурыз, 2023
Бұл күндері Оңтүстік Кореяның астанасы – Сеулде шорт-тректен өтіп жатқан әлем чемпионатында Денис Никишаның жеңіс тұғырына көтерілуіне тамаша мүмкіндігі болды.
Спорт • 12 Наурыз, 2023
Футболдан Қазақстан Премьер-лигасының екінші туры аясында өткен жеті ойынның үшеуінде ірі есеп тіркелді.
Спорт • 10 Наурыз, 2023
Шавқат Рахмонов, Жалғас Жұмағұлов, Мария Агапова және Сергей Морозов сынды еліміздің UFC-де санаулы ғана спортшысы бар. Олардың қатарына шетелдік қандастарымызды қосуға болады. Атап айтсақ, Қытайда дүниеге келген Сайран Нұрданбек пен Мақсат Қайсар, Ресейдің Орынбор өлкесінде туып-өскен Дамир Исмағұлов күш сынасып жүр. Сәл ертеректе Жұмабек Тұрсын өнер көрсетті. Қаны бір қазақ болғаннан кейін бұл азаматтардың да табысы бізге ортақ. Өз жерлестерімізбен қатар, солардың да әрбір жеңісіне қуанамыз.
Спорт • 28 Ақпан, 2023
Германияның Котбус қаласында спорттық гимнастикадан әлем кубогінің кезеңдік сайысы аяқталды. Бұл жарыста Қазақстан құрамасына жалғыз жүлде бұйырды.
Спорт • 24 Ақпан, 2023
Еліміздегі ең көп Олимпиада жүлдегерлері шыққан ауданды білесіз бе? Ол – қасиетті Құлан өңірі. Жамбыл облысының Тұрар Рысқұлов ауданынан төрткүл дүниеге танылған, төртжылдықтың іргелі додасында көк туды желбіреткен төрт саңлақ шыққанын біреу білсе, біреу білмеуі де мүмкін. «Төртеудің түгелдігі» бүгінде 65 мың тұрғыны бар ауданның абыройын асқақтатып тұр!
Бокс • 18 Тамыз, 2021
Әлиді азулы қарсылас күтіп тұр
Екінші орта салмақ дәрежесінде жұдырықтасып жүрген қазақстандық кәсіпқой боксшы Әли Ахмедовті алдағы күндері тағы бір аса ауыр сынақ күтіп тұр. Жерлесіміз 25 жастағы гватемалалық боксшы Лестер Мартинеспен кездеседі. Осы спорт түріндегі мансабын бастағанына екі жылдан енді ғана асқанына қарамастан, Әлидің қарсыласының есімі ерекше құрметпен аталады.
Спорт • 11 Тамыз, 2021
Токиода түгелдей дерлік ұтылдық. Неге?
Күрес түрлерінен Қазақстан құрамасы Токио Олимпиадасында сүреңсіз өнер көрсетті. Оған ешкім дауласа қоймас деп ойлаймыз. Себебі Күншығыс еліне сапар шеккен 11 балуанның тек біреуінің ғана жеңіс тұғырына көтерілуге күш-жігері жетті. Ол – Нұрислам Санаев. Ал қалғандары тегістей ұтылды. Шындықтың бетіне тура қарайтын болсақ, Санаев өз еліміздің төл түлегі емес, Ресейден келген легионер екені баршаға мәлім. Сол жақта күрес өнерінің қыр-сырына қанығып, мықты спортшы ретінде қалыптасты. Міне, осы жайттың өзі-ақ елімізде балуандық өнердің тұралап қалғанын байқатса керек.
