Шымкент • 03 Қыркүйек, 2024
Заңсыз меншік мемлекетке қайтарылады
Шымкентте әлеуметтік нысандармен бірге стратегиялық маңызды объектілер де мемлекет меншігіне қайтарылып жатыр. Кезінде бұлардың барлығы да әртүрлі жолмен жекешеленіп кеткен болатын. Бұл жолы сумен жабдықтау және су бұру нысандары қайтадан мемлекет балансына алынады. Бұл туралы Шымкент қаласы әкімінің орынбасары Айдын Кәрімов мәлімдеді.
Шымкент • 03 Қыркүйек, 2024
Өнер ордасы 95 жылдығын атап өтеді
Ел газеті «Egemen Qazaqstan»-да (№161, 21 тамыз, 2024 жыл) жарияланған «Шанин театрының тарихын қайта зерттеу қажет» тақырыбындағы мақала, әсіресе Шымкентте қоғамдық пікір тудырып, зиялы қауымның үн қатуына, нақты шешімнің қабылдануына ықпал етті. Аталған мақалада Ж.Шанин атындағы академиялық қазақ драма театрының қай жылы құрылғанын анықтап, жылнаманы жаңғырту маңызды екені айтылған еді. Газетте көтерілген мәселелерге байланысты жергілікті Өңірлік коммуникациялар қызметі алаңында «Ж.Шанин атындағы Шымкент қалалық академиялық қазақ драма театрының 95 жылдығы» тақырыбында брифинг өтті.
Шымкент • 30 Тамыз, 2024
Этномәдени бірлестіктердің көмегі
Жуырда Шымкенттегі «Достық үйінде» қалалық Қазақстан халқы Ассамблеясының ұйытқы болуымен республикалық «Мектепке жол» қайырымдылық акциясы өтіп, соның аясында әлеуметтік тұрғыдан аз қамтылған және көпбалалы отбасынан шыққан 200-ден аса жеткіншекке мектепке қажетті оқу құралы берілді.
Мәселе • 27 Тамыз, 2024
Шымкенттің Бозарық аймағынан түрік инвесторы «Alarko Holding» 650 гектарға ең ірі жылыжай кешенін салуды бастағанын жазған едік. Мегополисте шетелдік компаниялармен бірлесіп табысты еңбек етіп жатқан шаруашылықтар қазір де бар. Соның бірі – Берік Иляев басқаратын шаруашылық. Ол да жылыжай кешенінде көкөніс өсірумен айналысады.
Медицина • 24 Тамыз, 2024
Оңтүстік медицинасы – оң бағытта
Денсаулық сақтау министрінің бірінші орынбасары Тимур Сұлтанғазиев Шымкентке іссапары аясында үшінші мегаполистегі медициналық ұйымның жұмыстарымен танысты. Бірінші вице-министр 23 учаскеге тіркелген 40 мыңға жуық халықты бастапқы медициналық көмекпен қамтамасыз етіп отырған №1 қалалық емханаға барды.
Шымкент • 23 Тамыз, 2024
Суретшілер одағының Шымкент қаласындағы филиалы төрағасы Әбдімүтәліп Ахметов мегаполисте суретшілердің еңбектеріне арналған музей болу керектігін айтады. Бұрынғы Фосфоршылар сарайы мамандардың сараптамалық қорытындысымен бұзылатын болды. Өнер иесі осы мәдениет сарайының орнына салынатын кешен шаһар суретшілерінің туындыларына арналған музей болуға тиіс деген идеясын ұсынды. Өйткені одақтың құрамында бүгінде жиырма шақты бейнелеу өнерінің майталмандары бар болса, олардың суреттері әрқайсысының үйінде сақтаулы. Музей туындылардың қалпын бұзбай, ұзақ уақыт сақталуына және ең көркем, бағалы картиналарды ұлт мұрасы ретінде өзімізде қалуына мүмкіндік берер еді.
Шымкент • 16 Тамыз, 2024
Білімді ұрпақ әрқашан алға озады
Жуырда Шымкенттің орталық мешітінде «Мектепке жол-2024» қайырымдылық іс-шарасы өтіп, оған Қазақстан мұсылмандары діни басқармасының төрағасы, бас мүфти Наурызбай қажы Тағанұлы қатысты. Сондай-ақ осы акцияда қалалық дін істері басқармасының басшысы Бахтияр Өнербаев пен шаһардың бас имамы Бақдаулет Нұрматұлы сөз сөйледі. Қонақтар білім-ғылымның мәртебесі, артықшылығы туралы қозғап, оқушыларды сабағын жақсы оқуға шақырды.
Жоба • 16 Тамыз, 2024
«Бір ауыл – бір өнім» қандай жоба?
Өткен ғасырдың 70-жылдары Жапонияда керемет бір жоба басталған екен. Ол бойынша бір ауыл немесе сол ауылда тұратын бір кәсіпкер бәсекеге қабілетті өнім өндіріп, нарыққа шығаратын болған. Мұндағы мақсат, біріншіден, елдің кіріс көзін арттыру болса, екіншіден халықты кәсіпкерлікке үйрету еді. Міне, сол жоба өзінің өміршеңдігін танытып, бүгінге дейін жетіп отыр.
Шымкент • 10 Тамыз, 2024
Республиканың үшінші мегаполисінде ауқымы үлкен жылыжай кешені бой көтереді. Осынау маңызды жоба Түркия инвесторларымен бірлесіп жүзеге асырылып отыр. Құрылыстың басталуына орай ұйымдастырылған салтанатты іс-шарада Шымкент қаласының әкімі Ғабит Сыздықбеков пен «Alarko Holding» компаниясының президенті Йылдыз Умит Нури болашақ кешеннің іргетасына капсула салу рәсіміне қатысты.
Өндіріс • 09 Тамыз, 2024
Шымкентте пластмассадан ойыншық шығаратын шағын кәсіпорын бар. Өндіріс орны 2014 жылы құрылған. Бүгінде ойыншықтың отыздан астам түрін өндіреді.
