Білім • 11 Тамыз, 2023
Төрт мектеп түлектері түгел грантқа түсті
Биыл маңғыстаулық түлектердің дүбірі жер жарды деуге болады. Мектеп бітірген 7 436 түлектің 2 660-ы оқу гранттарына, оның ішінде 347 түлек нысаналы грантқа ие болды. Қазіргі таңда облыс әкімінің грантына байқау жүріп жатқанын ескерсек, грант иегерлерінің саны арта түспек.
Шахмат • 09 Тамыз, 2023
Шаршы тақтадағы оқушылар сайысы
Теңіз қақпасы саналатын Ақтау қаласы халықаралық деңгейдегі шахматшылар жиналып, өзара бақ пен бап, шеберлік сайыстырған шахмат аламанының алаңына айналды. Спорттың тілі ортақ екені, спортта шекара жоқтығы тағы бір дәлелденді.
Бизнес • 26 Шілде, 2023
Маңғыстауда «Жеті лақ» деген шаруашылық бар. Дүкен сөрелерінен сүйкімді суретті құтыға құйылған шаруашылықтың сүт өнімдерін тұрғындар жиі сатып алады. 2020 жылы құрылып, өз жұмысын бастаған «Жеті лақ» фермасы Түпқараған ауданындағы Ақшұқыр ауылында орналасқан. Кәсіпкерлер отбасы ешкі мен түйе сүтінен ірімшік өнімдерін шығарумен айналысады, яғни пастерленген ешкі сүтін, йогурт, айран, сүзбе, қаймақ және ірімшіктің 12 түрін шығарады. Қазіргі таңда Кобзевтер отбасы айына 3,5 тонна ешкі сүтін өндіреді.
Балалар • 21 Шілде, 2023
Балалардың жазғы демалысын ұйымдастыру жеңіл-желпі қарайтын мәселе емес, ол – әрі демалыс, әрі тәрбие. Маңғыстауда лагерьді айрықша ұйымдастырумен, оқушыларға ұлттық құндылықтарды үйретумен танымал болған Түпқараған ауданында Ақкетік қаласының жағажайында шатырлы лагерь ұйымдастырылуда деген жаңалық құлаққа тиді. Жақында Маңғыстау облысы әкімдігінің, облыстық Білім басқармасының қолдауымен, аудандық әкімдік пен білім бөлімінің жұмылуымен жүзеге асқан шатырлы лагерь жұмысымен танысып қайттық.
Оқиға • 21 Шілде, 2023
Каспий теңізі – руханият үшін таңғажайып тарих пен тағылымды аңыздардың өзегі, экономикалық тұрғыда қойнауы қазынаға толы мекен, еліміздің бірегей су қақпасы. Өкінішке қарай, кейінгі жылдары Каспий теңізінде алаңдатарлық түрлі экологиялық оқиғалар орын алып жатыр. Итбалықтардың қырылуын ауадан көрдік, судың өзін кінәладық, құрылған тордан көрдік, жағалауда бір бұзықтың итбалықты таяқтап жатқаны көріне кетіп, сол бұзыққа шүйліктік. Ақыры жыл сайын итбалықтың жаппай қырылуы сол бір таяқтың әсерінен болғандай үлкен «ғылыми жаңалықпен» тыныстадық.
Жануарлар • 19 Шілде, 2023
2015 жылы Маңғыстау облысы Қарақия ауданында барыстың қақпанға түсіп қалғаны туралы суретімен расталған ақпарат әлеуметтік желілерде кеңінен тараған еді. Бұл мәлімет қоғам арасында ұзақ талқыланды әрі үлкен қызығушылық туғызды. Себебі сол кезде жануардың бұл түрі Қазақстанның фаунасында бұрын-соңды кездеспеген және бұл аумақтарда мекендегені туралы ақпарат болмаған. Бұл ретте ғылыми әдебиеттен белгілі, көршілес Түрікменстан аумағында азиялық барыстың шамамен 100-ден астамы өмір сүретіні айтылады.
Аймақтар • 05 Шілде, 2023
Маңғыстаудағы МАЭК (Маңғыстау атом энергетикалық комбинаты) мәселесі – тұрғындар үшін біраздан бері бас ауруға айналып, айтыла-айтыла жауыр болған, Үкімет енді ғана назар аудара бастаған мәселе. Назар нысанның кетеуі әбден кетіп болған соң кеш аударылды ма, МАЭК-ті оңалту оңайға түспей тұр. «Шықпа, жаным, шықпа» деп МАЭК-тің тілеуін тілеп қыстан аман шықтық, алайда қыс қайта оралмайды емес. Бірақ МАЭК-ті жаңғырту, оңалту жағдайы мандымай тұр.
Аймақтар • 26 Маусым, 2023
«Өзенмұнайгаздағы» тексеріс қорытындысы
«ҚазМұнайГаз» ҰК» АҚ тарапынан «Өзенмұнайгаз» АҚ-ға екі ай бойы жүргізілген тексеру аяқталып, ҚМГ басқарма төрағасының орынбасары, Жұмыс тобының жетекшісі Д.Хасанов, ҚМГ Экономикалық және ішкі қауіпсіздік бөлімінің бастығы Ә.Атабаев, ҚМГ Адами ресурстарды басқару департаментінің бас маманы Б.Төлеген, ҚМГ Мұнай және газ өндіру департаментінің бас маманы Ж.Жөкебаев арнайы брифингте тексеру комиссиясының қорытындысын жариялады.
Қоғам • 22 Маусым, 2023
Этнолагерь елдік жобаға айналса...
Оқушылардың биылғы жазғы демалысын түпқарағандық ұстаздар тағы да ерекше ұйымдастырып, әрі демалыс, әрі руханиятқа жанашыр бола алды. Қалай дейсіз бе? Жақсылықты жалаң сөздермен баяндағаннан гөрі, әріден бастап, тереңірек талдаумен жеткізбекпіз.
Өнім • 19 Маусым, 2023
Маңғыстау өңірінде «2021–2025 жылдарға арналған кәсіпкерлікті дамыту жөніндегі ұлттық жоба» бағдарламасы аясында жалпы құны 35 млрд теңге болатын 912 жоба мақұлданып, 247 жұмыс орны сақталған, 424 қосымша жұмыс орны құрылды. 2023 жылдан бастап жұмыспен қамту аясында жас кәсіпкерлерге 2,5%-бен несие беру басталған болса, осы бағытқа республикалық бюджеттен 815 млн теңге қаражат бөлініп, 163 жас кәсіпкерге төмендетілген пайызбен несие беру жоспарланды. Сонымен қатар, ауыл тұрғындарының табысын арттыру мақсатында «Ауыл аманаты» қанатқақты бағдарламасы аясында республикалық бюджет есебінен 1,2 млрд теңге қаражат бөлініп, бағдарлама аясында 237 жобаны қаржыландыру жоспарланған.