Жәдігер • 24 Мамыр, 2024
Түркістан облысы, Ордабасы ауданы аумағындағы Төлебайтөбе қорымында қазба жұмыстарын жүргізген Өзбекәлі Жәнібеков атындағы ОҚПУ археология орталығының ғалымдары үш обаның екеуі көне заманда тоналғанын айтады. Ал үшінші обадан біздің заманымызға өте құнды жәдігерлер табылған.
Инвестиция • 24 Мамыр, 2024
Түркістан облысында инвестиция тарту жұмыстары қарқынды жүріп жатыр. Өткен жылы тікелей шетелдік инвестиция көлемі 857,6 млн доллар болып, жылдық жоспар 190,1%-ға орындалған. Биылға негізгі капиталға салынған инвестиция индикаторы 1 трлн 133,8 млрд теңге көлемінде бекітілген. Қазіргі уақытта бірінші тоқсанның қорытындысымен өңірге 132,2 млрд теңге инвестиция тартылды. Оның ішінде жеке инвестиция – 116,1 млрд теңге, бюджеттік инвестиция – 16,1 млрд теңге.
Шаруашылық • 21 Мамыр, 2024
Ауыл шаруашылығына кешенді көзқарас қажет
Түркістан облысындағы су нысандарының 70 пайызы ескірген. Көпшілігі өткен ғасырдың 60-70 жылдары салынған. Ескі болған соң шаруалар бөлінген суды толық ала алмай келеді. Жалпы, су тапшылығы жылдан-жылға ұлғайып келеді. Трансшекаралық аймақта орналасқандықтан басқа елдерден келетін суға тәуелдіміз. Ауыл шаруашылығы саласының даму деңгейі төмен. Ескірген технология, жердің құнарлылығының нашарлығы, минералды тыңайтқыштарды дұрыс пайдаланбау оған басты себеп болып отыр.
Аймақтар • 21 Мамыр, 2024
45 мың оқушы лагерьде демалады
Түркістан облысында жалпы 1 052 мектепте 518 733 оқушы білім алады. Биыл мектеп бітіретін 32 306 оқушының 27 340-ы ҰБТ-ға қатысады. Түлектердің 1 727-сі «Алтын белгіге» үміткер болса, 2 466 оқушы «Үздік аттестат» иегері атанбақ.
Өндіріс • 17 Мамыр, 2024
Мамандардың дерегіне жүгінсек, елімізде соңғы жылдары ірімшік өндіру көрсеткіші 10 пайызға дейін артқан. Дегенмен отандық өнімдер сұраныстың 55 пайызын ғана қанағаттандырып отыр. Бұл, әрине, аз. Осы орайда өткен жылы Мемлекет басшысы халыққа арнаған Жолдауында алдағы үш жыл ішінде агроөнеркәсіптегі өңделген өнім үлесін 70 пайызға жеткізуді міндеттегенін еске сала кетейік. Сондай-ақ Президент ет, сүт, астық өнімдерін терең өңдеу, өндірістік жылыжай шаруашылықтарын дамытуға басымдық беру қажеттігін айтты.
Шаруашылық • 13 Мамыр, 2024
Роботтехника және зиянкестермен күрес
Ала жаздай ән салатын шырылдауық шегірткеге шыбын-шіркей қосылып, көбейгені ауылдағы ағайынды алаңдатып отыр. Түркістан облысында зиянкестермен күрес жүргізіліп келеді. Бірақ әзірге зиянкестерді толық жою мүмкін болмай отыр. Енді алғаш рет роботтехника қолданылмақ.
Аймақтар • 09 Мамыр, 2024
Түркістан облысында 11 майдангер тұрады
Екінші дүниежүзілік соғысқа Түркістан облысынан 140 мыңнан астам азамат аттанған екен. Сол сұрапыл соғыстан елге аман оралған 70 мың сарбаздың 51-і Кеңес Одағының Батыры, біреуі Халық қаһарманы және 8-і III дәрежелі «Даңқ» орденінің кавалері атанған.
Қоғам • 04 Мамыр, 2024
Оңалту орталығындағы сауапты іс
Табиғаты тамаша тау бөктеріне жақын орналасқан, аумағы 7 гектар болатын «Ақ бұлақ» оңалту орталығында балаларға жасалған жағдай, тың әдістер бүгінде өзге мекемелерге үлгі етіліп келеді. Орталық жұмысын жетілдіре түсу үшін қызметкерлері Рамазан айында пітір садақаларын арнайы қорға жинап, сол қаражатты жақсы бастаманы жүзеге асыруға жұмсаған.
Аймақтар • 01 Мамыр, 2024
Ассамблея десе ілгеріде түрлі мерекелік іс-шараларда ұлттық киіммен билеп немесе ән шырқап жүрген этномәдени бірлестіктердің өнерпаздары еске бірінші түсетіні жасырын емес. Мерекелерде әр этнос салт-дәстүрін таныстырып, тағамын ұсынатыны да – көз үйренген көрініс. Мұның бәрі, әрине ізгі ниетпен ұлтаралық және конфессияаралық татулық пен бірлікті нығайту мақсатында жасалатын әрекеттер екені аян. Десек те, бірлестіктер мерекелерде ғана емес, барлық қоғамдық ұйым секілді еліміздің әлеуметтік-экономикалық дамуына да әр салада күнделікті өз үлесін қосып келеді.
Музей • 30 Сәуір, 2024
«Күлтөбе қалашығы» ашық аспан астындағы археологиялық мұражай-паркін құрудың алғашқы кезеңі аяқталуға жақын. Жобаның жалғасы ретінде келушілерге заманауи сандық технологиялар арқылы ежелгі заманға саяхат жасауға мүмкіндік беретін нысан салынады.
