Мирас • 11 Шілде, 2024
Қарқара төріндегі қымызмұрындық
Мал-жанның қонысына қолайлы Қарқара – ежелден құт мекен. Шөбі шүйгін, суы мөлдір, ауасы жұпар хан жайлаудың тарихына зер салсақ, Қазақ даласының құнарлы бір пұшпағы саналатын бұл жер халықаралық дәрежедегі алыс-беріс, сауда-саттық жәрмеңкесінің орталығына айналған. 1916 жылғы әскердің қара жұмысына адам алу туралы ақ патшаның жарлығына қарсы шығып «бала өлгенше, шал өлсін» деп бас көтерген батыр бабаларымыздың ерліктері де осындағы «Ереуілтөбе» ескерткішінде тасқа қашалып жазылған. Тарихи өлкеге табаны тиген жан алдымен бабалар рухын асқақтатқан осынау еңселі ескерткішке аялдап, Құран бағыштайды. «Қарқара қалың қазақ кебесіндей, Албанның албырт ерке енесіндей. Қарағай қапталдағы, жыныс арша, Қыдырлы малдың құтты келесіндей. Қарқара жарасымды жазық жайлау, Үй-күлше, құрттың жайған өресіндей» деп жыр жүйрігі Ілияс Жансүгіров келісті келбетін суреттеген Қарқараның қойнауы құт, жазығы сыр жасырған жәдігерге толы.
Спорт • 06 Шілде, 2024
Алматы облысында футболға ерекше көңіл бөлініп жатыр. Атап айтсақ, бір жарым жыл бұрын Қонаев қаласында футболдан облыстық мамандандырылған балалар мен жасөспірімдер спорт мектебі ашылып, бүгінде әр ауданда филиалдары тұрақты жұмыс істейді.
Мәдениет • 04 Шілде, 2024
Бір мезетте мың адам күй тартты
Елімізде ерекше маңызға ие Ұлттық домбыра күні Алматы облысында да айрықша аталып, ұлттық өнер дәріптелді. Қонаев қаласында айтулы мерекеге орай «Домбыра-дастан» фестивалі өтті. Оған аймақтың түкпір-түкпірінен қара домбыраны қолына алған мыңдаған музыканттар жиналды.
Аймақтар • 04 Шілде, 2024
Ауылдың ажарын ашып, көркін кіргізу жолындағы игілікті істер легі бірінен соң бірі атқарылып, тұрғындардың көңіл күйін шат-шадыман етіп жатыр. Көптен күткен саябақтардың құрылысы аяқталып, ауылдағы ағайын бір жасап қалды. Енді қала қызығына телмірмей, ауылда да уақытын көңілді һәм тиімді өткізе алады.
Спорт • 03 Шілде, 2024
Қонаев қаласында «Толағай – алыптар сайысы» атты облыстық турнир ұйымдастырылды. Бұл шараның мақсаты – ұлттық дәстүрді насихаттай отырып, жастарды төзімділікке баулу.
Туризм • 29 Маусым, 2024
Тәңіртаудың таңдай қақтырар тамаша табиғаты отандық туризмнің қайнар көзіне айналып, шекаралы аймақта заманауи демалыс нысандарының кең қанат жайып, жұмысын жандандыруына зор ықпал етуде. Жаз маусымы басталғалы қаланың аптап ыстығы мен құлақ тұндырар шуынан бой тасалап, таулы өңірге ағылатын демалушылар қатары жылдан жылға көбейіп, туристік нысандардың танымалдылығын арттыруда. Соның нәтижесінде өңірде туризм саласы қарқынды дамып келеді.
Экспорт • 28 Маусым, 2024
Алматы облысы Қытай еліне ет экспорттап жатыр. Қарасай ауданына қарасты Қошмамбет аулында орналасқан «Meat Processing and Service» ЖШС ет өнімдерінің алғашқы партиясы – 20 тонна сиыр етін Қытай Халық Республикасының ветеринарлық-санитарлық талаптарына сай сәтті экспорттады.
Қоғам • 23 Маусым, 2024
Іле өзенінің бойында жатқан Балқаш ауданының орталығы Бақанас ауылында кіндігі кесіліп, қанаты қатайған өрендерінің бірі – полиция майоры Азамат Абдрахмановты ел-жұрты ерекше құрметтейді. Қырықтың қырқасына шыққан ол бұл күнде Алматы облыстық полиция департаменті Балқаш аудандық полиция бөлімі жергілікті полиция қызметі бөлімшесінің басшысы қызметін абыройлы атқарады. Туып-өскен өңірдің тәртібін қадағалап, тыныштығын қамтамасыз етуде жарғақ құлағы жастыққа тимей қызмет етіп келеді.
Форум • 18 Маусым, 2024
Халықаралық, республикалық олимпиадаларда топ жарып, Алматы облысының абыройын асқақтатқан 145 оқушы оқу жылын айрықша құрметпен аяқтады. Осыған орай, Қонаев қаласының Мәдениет үйінде талантты балаларды қолдауға және ынталандыруға бағытталған «Дарынды оқушылардың жетістіктері» атты форум өтті.
«Таза Қазақстан» • 15 Маусым, 2024
Бейсенбі күні «Amanat» партиясының бастамасымен оның өңірлік және аумақтық филиалдары «Road» эстафетасын және «Таза бейсенбі» акциясын жоғары деңгейде ұйымдастырып, іс-шара аясында Астана – Алматы тасжолының басым бөлігі қоқыстан тазартылды. Бұл жұмысқа Алматы облысының еріктілері белсене қатысты.
