Аймақтар • 21 Тамыз, 2022
Павлодардың даму мүмкіндіктері мол
Премьер-Министр Әлихан Смайылов жұмыс сапарымен Павлодар облысында болып, өнеркәсіп пен ауыл шаруашылығының даму қарқынымен, әлеуметтік инфрақұрылымды жаңғырту барысымен танысты, сондай-ақ облысты кешенді дамыту мәселелері жөнінде кеңес өткізді.
Аймақтар • 19 Тамыз, 2022
Ашық аспан астындағы музей ашылады
Келешекте Баянауылдағы Мәшһүр Жүсіп кесенесі маңында ашық аспан астындағы музей ашылып, Ескелді шатқалына келушілер Пушкин мен Толстойдың мұражай-үйлері тәріздес ерекше мәдениет үлгісін тамашалауы мүмкін. Ғұлама атындағы қордың мүшелері Екібастұз қаласының жұртшылығымен кездесу өткізген Мәдениет және спорт министрі Дәурен Абаевқа осындай ұсыныс жасады.
Аймақтар • 18 Тамыз, 2022
Өскемен мен Павлодарды елордамен жалғайтын автобан құрылысын салу туралы Үкіметтің шешімі 2013 жылы қабылданған екен. Осы бір алып құрылыстың жыры жылдарға созылып, мердігерден мердігер ауыса жүріп, ақыр-соңы әупірімдеп аяқталған. Жолды бақандай 4 жылға кешіктіріп тапсырды. 900 шақырым тас жолдың 375 шақырымы, яғни Нұр-Сұлтан қаласынан Ленин кентіне дейінгі аралық өткен жылдың қараша айынан бері ақылы жүйеге ауысты. Автобанның ақылы болғанын қайтейік, бүгінде бас қалаға дейінгі жол бойында мәселе көп.
Оқиға • 17 Тамыз, 2022
Павлодар облысында ауыл тұрғынынан алкоголь тәркіленді
Павлодарлық полицейлер күн сайын құқық бұзушылықтарды анықтау үшін рейдтік іс-шаралар өткізеді. Оның ішінде алкоголь өнімдерін заңсыз сатуды анықтау мақсатында дүкендер мен сауда нүктелеріне тексеру жүргізіледі, деп хабарлайды Egemen.kz.
Аймақтар • 16 Тамыз, 2022
Ауылдың ағарғаны қалалықтар үшін арман болған заман. Дүкенде сатылатын пастерленген сүтті үйдегі балаларға жылытып беріп, әйтеуір сүт ішкеніне мәз боламыз. Құрамында «өлі сүт» - ұнтақ түріндегі қоспаның барына да бас ауыртпайтын болдық. Қазір нарықта бұл өнімнің түрі көп болғанымен, қойытылған сүт, қорапқа құйылып, жыл бойы сақтала беретін, майлылығы жоғары сүт дегенді біздің еліміз өндіруді меңгере алмай отырғаны да шын. Дей тұрғанмен, өңірде тауарлы сүт фермаларының саны артып келе жатқаны дәтке қуат. Павлодар облысындағы бұл фермалардың шикізаты соңғы жылда 38 мың тоннаға дейін өскен.
Қоғам • 16 Тамыз, 2022
Керекулік жұрт дүкеннен «мұсылман шұжығын» сатып алуға қорқып отыр. Санитарлық-эпидемиологиялық қызмет мамандары пісірілген шұжық өнімдерінен шошқа етінің генін тауып алған. Дүкен сөрелеріндегі ет консервілерінен алынған сынамалар 6 бірдей өндірушінің фирмалық тауарынан халал стандартына сай емес ДНҚ-ны анықтаған.
Білім • 16 Тамыз, 2022
Статистикаға сүйенсек, Кереку өңірінде 212 шағын жинақты мектеп бар. Осыдан біраз жыл бұрын облыс басшылығы өңірде болашағы жоқ ауылдар деп танылған шалғай елді мекендердің мектептерін жаппақ болып, ел-жұртты шулатқаны есімізде. Ондаған шағын білім мекемесі әне жабылады, міне жабылады деп жүріп, көптің тілеуімен әупірімдеп сақталып қалды. Онсыз да алақандай ауылдың ұйытқысына, тұрғындардың қотарыла көшіп кетпеуіне сеп болып отырған мектептердің кейбірінде әлі де мәселе жетерлік. Әсіресе модернизация игілігіне іліге алмай отырғаны қынжылтады.
Білім • 15 Тамыз, 2022
Павлодар облысында бір орында көп отырып қалған білім беру ұйымдарының басшыларын алмастыру шарасы басталып кетті. 25 тамыздан бастап жалпы саны 23 орта мектептің директорлары өзге мекемелерге жіберілмек. Мамандардың пікіріне қарағанда, басшыларды алмастыру – өте тиімді өзгеріс. Жаңа жерге жіберілген адам жаңа леп, жаңа жоба-жоспарларымен баратыны анық. Ал бұл өз кезегінде кейбір ұжымдардағы қалыптасып қалған қасаң жүйені бұзады.
Қоғам • 15 Тамыз, 2022
Жол ақысына жаңа тариф енгізіледі
Павлодардағы қоғамдық көлікте жыл соңына дейін сараланған тариф енгізілмекші. Шаһардағы атқарушы билік өкілдері алдағы уақытта автобус пен трамвайдағы жол жүру құны 130 теңге болады деп отыр. Бұл – ақшаны қолма қол төлеген жағдайда қойылатын баға. Ал Avtobys жүйесін пайдаланып, арнайы картамен немесе QR-код арқылы смартфоннан төлесеңіз, бұрынғыша 80 теңгемен жүре бересіз.
Аймақтар • 11 Тамыз, 2022
Шабындық... бірде көл, бірде шөл
Шабындыққа шалғы түсіп, ауыл жұрты төрт түліктің қысқы жемшөбін қамдаудың қамына кірісті. Биыл өңір бойынша 1 млн тоннадан астам шөп дайындау жоспарланып отыр. Дей тұрғанмен, жаздың құрғақ әрі ыстық болуынан шабындықтар айтарлықтай шығым көрсетпеуде.
