Сұхбат • 16 Желтоқсан, 2023
Бақыт Қажыбаев: «Оян, қазақ» – уақыттың сұранысы
Актер Бақыт Қажыбаевты театрға баратын көзіқарақты көрермен жақсы біледі. Алайда оны бір-ақ сәтте күллі қазақ еліне мәшһүр еткен рөл – «Оян, қазақ» фильміндегі Міржақып Дулатов бейнесі. Көп ішінен бекзат болмысымен дараланатын өнер иесінің табиғатына да осы рөл дөп келгендей. Оны көрермен де лайықты бағалады. Осы жылдың басты жаңалығына айналған фильмнің бас кейіпкері бүгінде елге танымал белді актерге айналды. Көптің көзайымы болған Бақыт Қажыбаевтан сыр тартқан едік.
Кино • 15 Желтоқсан, 2023
Қазақ киносының тарихы мен оның теориясын зерттеген марқұм ғалым, киносыншы Бауыржан Нөгербек: «Киноны ұлттық па деп сұрақ қоюдың өзі парадокс болып көрінеді. Өйткені әдебиет болсын, кино болсын – ол ұлттық болуға тиіс. Егер ондай сұрақ туындаса, онда оның ұлттық болмыс, бояуы жағынан проблемалары бар деген сөз», дейді.
Кино • 13 Желтоқсан, 2023
Киноның көркі болған Сағи бейнесінің сағым-сағынышқа айналғанына да біраз жыл өтті. Бірақ оның фильмде сомдаған Шоқанын көріп, сұлу сұлбалы сырбаз жігіттің оттай жанған жанарына қарап-ақ жарты әлемді ұмытқандай боласың. «Қазақтың маңдайына біткен жарық жұлдызы – ұлтымыздың кемеңгер ұлы Шоқан өмірде дәл осындай-ақ болған шығар» деген сезім ұзақ әсерлендіретіні де рөлдің сәтті шыққандығынан болса керек. Мұндай кезде: «Актердің кейіпкер болмысына дендеп енгені соншалық, Шоқандай теңіз тұлғаның түпсіз терең иірімі Сағиды да өзімен бірге шексіз шыңырауына үйіріп әкетті ме екен...» деген тылсымы басым түсініксіздеу ойдың және дендейтіні бар... Қалай десек те, бұл – тағдыр. Уақыт-ағзам алақанындағы өмір-өрісі аққан жұлдыздай келте қайырылған қос таланттың тағдыры да бірін бірі айна қатесіз қайталағандай ма?..
Мәдениет • 11 Желтоқсан, 2023
Сұлу Сырдан – ару Астанаға: Қызылорда облысының мәдени күндері мәресіне жетті
Арқаға сағындырып жеткен аязды күндерге ақ күріштің отаны – Сыр өңірінен келген өнер тартуы шырай кіргізгендей. Ару қала Астанамыздың 25 жылдығына орай ұйымдастырылған Қызылорда облысының мәдени күндері шын мәнінде өнердің мәдени мерекесіне ұласты. Н.Бекежанов атындағы қазақ академиялық музыкалық драма театры әкелген Ш.Айтматовтың «Жәмилә» мен Р.Отарбаевтың «Нарком Жүргенов» қойылымдары, сонымен қатар Бейбітшілік және келісім сарайында өткен Қызылорда облысы өнер шеберлерінің гала-концерті мен «Сыр өңірі – Түркі өркениетінің алтын бесігі» атты тарихи танымдық көрме де мазмұнды іс-шараның мәнін аша түсті.
Театр • 10 Желтоқсан, 2023
«Астана Опера» театрында бір жылға созылған «Орыс маусымдары» халықаралық жобасы «Қос астана дуэті» гала-концертімен түйінделді. Қазақстан Республикасы Мәдениет және ақпарат министрлігі мен Ресей Федерациясы Мәдениет министрлігінің қолдауымен өткен фестивальдың қорытынды кешін «Астана Опера» театрының ұжымы мен Дмитрий Бертманның жетекшілігіндегі «Геликон-опера» Мәскеу музыкалық театры бірлесіп өткізді.
Кино • 04 Желтоқсан, 2023
Қожабековке қиянат жасаған кім?
Өнердегі алғашқы адымын кинорежиссер Марк Донскойдың «Аласталған Алитет» фильміндегі Аэ рөлімен аттап, ә дегеннен ел назарын өзіне бұрғызған келбеті келіскен көркем жігіттің келешегінен театр мен кино мамандары, жалпы қалың көрермен зор үміт күткен. Одан кейінгі «Біз Жетісуданбыз» (Нартай), «Шабандоз қыз» (Айдар) картиналарындағы кесек бейнесі де актер болашағына артқан сенімді одан әрі нығайта түсті. Тіпті дәуірінің реформаторы болған режиссер Әзірбайжан Мәмбетовтің өзі балалар мен жасөспірімдер театрында жетекші актер болып қызмет етіп жүрген жас әртісті аттай қалап, М.Әуезов атындағы драма театрға шақырады. Шоқан мен Хлестаков рөлін ұсынған режиссердің талантты әртіске деген шығармашылық жоспары үлкен болатын.
Әдебиет • 15 Қараша, 2023
Қазақ мәдениетінің тұтас бір дәуіріне төңкеріс жасаған тұлғалар туралы сөз қозғалғанда олардың жүрегін жаулап, қиялына қанат байлаған сұлуларды да әсте естен шығаруға болмайды. Сондай сұлудың бірі – Ілия Жақановтың өмірлік музасына айналған «Меңді қыз» – Тиышкүл апай.
Театр • 14 Қараша, 2023
Мәскеу биігіне көтерілген «Жібек саты»
Әлемді үздік ізденісімен тәнті етіп жүрген бекзат өнер ордасы – «Астана Опера» театрының талантты труппасы Мәскеуде өткен «Музыканы көру» VIII музыкалық театрлар фестивалінде табысты өнер көрсетіп қайтты. ХХ ғасырдағы біртуар опера әншісі Галина Вишневскаяның әйгілі опералық ән айту орталығына жиналған талғампаз көрермен астаналық театр ұжымы ұсынған Дж.Россинидің «Жібек саты» спектакліне тамсана қол соқты.
Сұхбат • 05 Қараша, 2023
Гүлжамал Қазақбаева: Күлкімді де, көз жасымды да сахнаға сақтаймын
Алматыдағы Ғ.Мүсірепов атындағы Қазақ мемлекеттік академиялық балалар мен жасөспірімдер театрына жол түскен сайын әңгімелесіп қалуға, сырлы сұхбаттарын санаға сіңіріп қалуға тырысатын жақсы адамдар бар. Сондай жанның бірі – Қазақстанның еңбек сіңірген әртісі, Мемлекеттік сыйлықтың лауреаты, «Парасат» орденінің иегері Гүлжамал Қазақбаева. Сахнада сан түрлі бейне тудырып, халқының ықыласына бөленіп жүрген өнер иесі өмірде, керісінше, томаға-тұйық тірлікті сүйеді, жарқ-жұрқ жарнамадан жанын алшақ ұстайды. Мұның сырын актрисаның өзі «Жанымды кірлетіп алудан қорқамын», деп түсіндіреді. Жарты ғасырдан астам ғұмырын киелі сахнаға қызмет етуге арнаған сахнагер өнердегі өнегелі өмір өрнектерінен сыр шертті. Тағдырдың сыйы мен тауқыметін теңдей көтерген қайсар жанның жансарайы да дәл өзіндей шынайы, өнеріндей көркем.
Театр • 31 Қазан, 2023
Елордадағы ең көне театрлардың бірі саналатын М.Горький атындағы академиялық орыс драма театры ұзақ уақытқа созылған күрделі жөндеуден кейін төл ғимаратында 123-маусымының шымылдығын ашты. Шығармашылық ұжым тамаша сәтті тағатсыздана күткен көрермендеріне Қ.Жүнісов пен И.Сединнің «Әлия» тарихи драмасын тарту етті.
