Кино • 09 Сәуір, 2025
Коммерциялық фильмдер сапасы қайтсе артады?
Қазақ киносының мәселесі қай кезде де күн тәртібінен түспей келеді. Оқтын-оқтын көтеріліп, түйткілдері тілге тиек етіліп келе жатқан бұл саланың сан қырлы проблемасы Президент Қасым-Жомарт Тоқаевтың да назарын аудартып, Ұлттық құрылтайда көтерілген мәселелердің қатарынан табылды. Мемлекет басшысы өз сөзінде: «Тағы бір түйткіл – қазір кинотеатрда көрсетілетін фильмдерге қатысты қоғамдық сын бар. Былтыр қазақстандық мамандар түсірген 94 фильм шыққан, яғни негізінен өзіміздің өнім шығарылып жатыр. Бұл – жақсы үрдіс. Бірақ біз, ең алдымен, санға емес, сапаға көңіл аударуымыз керек. Көрерменнің көңілін көтеріп, күлкі сыйлау – бір бөлек, жағымсыз әдеттерді насихаттау – бір басқа», деген еді.
Кино • 01 Сәуір, 2025
Ұлттық киноны қолдау мемлекеттік орталығы еліміздің түкпір-түкпірінде қазақ киносының онкүндігі шарасын сәтті жалғастырып келеді. Айтулы өнер оқиғасы бұған дейін Қарағанды облысында өтсе, енді міне, Жамбыл жерінде өз жалғасын тауып отыр.
Мәдениет • 29 Наурыз, 2025
Өзбекстан мәдениеті мен өнерін дамыту қорының қолдауымен Өзбекстан ұлттық балетінің труппасы елордаға гастрольдік сапармен келіп, «Астана Опера» театры сахнасында өнер көрсетті. Талантты ұжым бас шаһар көрермендері назарына «Лазги. Жан мен махаббат биі» қойылымын ұсынды.
Өнер • 29 Наурыз, 2025
Халықаралық театр күні қарсаңында Қалибек Қуанышбаев атындағы Қазақ ұлттық музыкалық драма театры төрінде жыл сайын аталып өтетін әдемі дәстүр биыл да жалғасын тапты. Наурыз айының 21-27 күндері аралығында өткен «Қаллеки тынысы» спектакльдер шеруіне театр сахнасында бір жыл аралығында қойылған жаңа спектакльдер қатысып, сарапшылар талқысына түсті.
Өнер • 18 Наурыз, 2025
Тек Наурыз мерекесі ғана емес, бүгінде ұлттық киімді күнделікті өмірде киюге деген көпшіліктің сұранысы көз сүйсінтеді. Сауда орталықтарының әр бұрышынан ашылып жатқан дүкендердегі таңдау мүмкіндігіне де таңдай қаға қарайсыз. Ал аптаның басқа күнін айтпағанда, жұма күнгі жасанып шыға келген халықтың ажарына «аһ» демеу мүмкін емес. Бұл да болса кезіндегі «ұлттық киімдеріміз ұмыт қалып бара жатыр» деген алаңымыздың алыста қалғандығының айғағы болса керек.
Театр • 18 Наурыз, 2025
Астана қаласы әкімдігіне қарасты Музыкалық жас көрермен театрында өнер жолына түсіп, театрда табысқан жұптар көп. Бүгінге дейін ұжымда, санап қарасақ, сахнада жарасып, бір-біріне үйленіп отбасын құрған 15 жұп бар екен. 16 наурыз – Шаңырақ күні қарсаңында театрда танысып, табысқан сондай бақытты жандар қатары және бір отбасымен толығып, он алтыншы жұптың ақ некесі қиылды.
Кино • 15 Наурыз, 2025
«Бұл фильмге көрермен сынай келіп, күлімдей тамашалап, жылап шығады» деді ә дегеннен туынды ерекшелігімен таныстырған жоба авторлары. Қалай десек те, жаңа Қожаны көрерменнің қуанышпен бірге қорқыныш сезімін қатар сезіне қарсы алғаны белгілі. Хош, сонымен тұсауы кесілген Қожаның жаңалығы неде? Аңыз Абдолла мен сұңғыла Соқпақбаев тандеміне қылау қондырмай, классикаға өз үнін қосуға талпынған шығармашылық топтың ізденісі қаншалықты ілкімді?
Кино • 12 Наурыз, 2025
«Қазақ қызы» – тұңғыштар туралы деректі фильм
«Қазақстан» республикалық телерадиокорпорациясының ұйытқы болуымен түсірілген «Қазақ қызы» деректі фильмдер топтамасы 8 наурыз – Халықаралық әйелдер күні қарсаңында ұлттық телеарна эфирінде көрерменімен қауышты.
Мәдениет • 07 Наурыз, 2025
Құнды деректерді сөйлеткен «Қазақ қызы»
«Қазақстан» республикалық телерадиокорпорациясының ұйытқы болуымен түсірілген «Қазақ қызы» деректі фильмдер топтамасы 8 наурыз халықаралық әйелдер күні қарсаңында ұлттық телеарна эфирінде көрерменімен қауышады. Осыған орай Астанадағы «Қазмедиа» орталығында құнды деректерді сөйлеткен фильмнің жабық көрсетілімі өтті, деп хабарлайды Egemen.kz.
Жансарай • 07 Наурыз, 2025
Самал ЕСЛЯМОВА: Скрипка сазы өмірімді өзгертті
Сырттай зерделесең де, жүрек қылын қозғап әңгімеге тарта кетсең де қазақы биязылығынан танбайтын нәзік актриса экран мен сахна кеңістігіндегі ішкі психологиялық текетіресте адам танымастай өзгеріп шыға келеді. Өнер оған өзгеше өткірлік сыйлайтындай. Ал былайғы өмірде бұйығы, ұяң, тіпті ұялшақ десең де болады. Сонысына қарамастан сан алуан бейненің сәнін кіргізіп, нағыз кәсіби деңгейде нақышына келтіре кейіптеп жүр. Ол талантын басқа емес, кино өнерінің олимпі саналатын 71-ші Канн кинофестивалінде топ жарып, «Ең үздік актриса» атануымен келісті кестеледі. «Айка» фильміндегі рөлі оның есімін жер- жаһанға мәшһүр етті. Ал кино әлемінің ең беделді атағына ие болған Қазақстанның еңбек сіңірген қайраткері Самал Еслямова әлі де сол қарапайымдылығынан танбаған, өнер туралы ойларын толғана, толқи отырып әңгімеледі.
