Сұхбат • 23 Қаңтар, 2026
Нұрлан Жұманиязов: Сахна адамның ішкі шындығын ашады
Үнсіздігімен ойландырып, сабырымен сендіретін, сахнада айқайсыз-ақ биік өнер тудыратын режиссерлер санаулы. Оның қолтаңбасы жалған ұраннан емес, ішкі дірілден, көзге көрінбейтін, бірақ жүрекке жететін терең тыныстан танылады. Сахна артындағы жалғыздық, шығармашылық мехнат, адам жанына деген іңкәрлік пен ішкі еркіндік оның болмысын айқын бейнелейді. Қалибек Қуанышбаев атындағы Қазақ ұлттық музыкалық драма театрының режиссері, Қазақстанның еңбек сіңірген қайраткері Нұрлан Жұманиязовтың жансарайына үңілгенде осындай ой түйдік.
Өнер • 23 Қаңтар, 2026
Кейбір суретке көз салып, көңіл қойғанда бояуды емес, болмысты, уақытты көресің. «Forte Kulanshi Artspace» галереясындағы белгілі суретші, Қазақстанның еңбек сіңірген қайраткері, Мемлекеттік сыйлықтың лауреаты Сембіғали Смағұловтың көрмесі көңіл түкпірінде дәл сондай әсер қалдырды. Бұл – қабырғаға ілінген картиналар жиынтығы емес, жады мен жаратылыстың, тарих пен бүгіннің арасындағы үнсіз әңгіме.
Өнер • 20 Қаңтар, 2026
«Қыз Жібек» – «Астана Балет» сахнасында
Өткен жыл «Астана Балет» театрының шығармашылық бағыты айқындалып, ұжымның ұлттық әрі халықаралық сахнадағы беделі нығая түскенін көрсетті. Театр классикалық дәстүр мен заманауи ізденісті сәтті ұштастырып, көрерменге балет өнерінің кең тынысын, эстетикалық тереңдігін ұсынды. Осы табысты жол биыл да жалғасын тауып, жаңа премьера, ауқымды гастрольдік сапарлар һәм жарқын мәдени жобалармен толыға түспек.
Сұхбат • 16 Қаңтар, 2026
Нүкетай Мышбаева: Ұлт театрының рухани байлығы таусылмайды
Театр – өткеннің үнін өшірмей, бүгінге аманат етіп жеткізетін рухани шежіре. Сол шежіренің бір ғасырлық жүгін арқалап келе жатқан киелі орда – Мұхтар Әуезов атындағы Қазақ ұлттық драма театры. Бұл сахнада талай тағдыр тоғысып, сан ұрпақтың рухы тәрбиеленді. Біртуар тұлғалардың қайталанбас ізі қалды. Қасиетті қарашаңырақ рухын өз өмірімен өрнектеген сондай сахна саңлағының бірі – Қазақстанның халық әртісі Нүкетай Мышбаева. Биыл кәсіби қазақ театрының құрылғанына 100 жыл толса, «әкемтеатрдың» анасы Нүкетай Мышбаеваның 90 жылдық мерейтойы. Бұл – жай ғана даталардың тоғысуы емес, өнер мен тағдырдың, жеке тұлға мен ұлттық сахнаның тарихи үйлесімі. Өйткені актрисаның өнер жолы – ғасыр жасаған ұлттық сахнаның тарихымен бірге тыныстаған тағдыр, бірін-бірі толықтырған өнер мен тағдырдың мерейлі межесі десек, титтей де артық айтқандығымыз емес. Атаулы мерейтойлар қарсаңында өнерінің өнегесі мен театрдың тағылымды тарихын тереңнен толғаған актриса жансарайын ашып, өткен күндер естелігін бөлісті.
Өнер • 16 Қаңтар, 2026
Кейде адамның тағдырын бір ғана сәт шешеді. Бір қимыл, бір ишара, бір сәттік батылдық. Қазақстанның еңбек сіңірген әртісі Мәкіл Құланбаевтың өмірінде сондай шешуші мезет – «ұшып жүрген шыбынды ұстау» сәті еді. Сол бір көзге көрінбес қимыл қазақ театр өнеріне өлмейтін өмір, өшпейтін есім сыйлады.
Театр • 16 Қаңтар, 2026
«Еңлік–Кебек» спектаклінің мерейтойлық қойылымы
Мұхтар Әуезов атындағы Қазақ ұлттық драма театрының 100 жылдығына орай Алматы қаласында «Еңлік–Кебек» спектаклінің мерейтойлық көрсетілімі өтті. Айтулы шара – ұлт руханиятының қалыптасу жолына, кәсіби қазақ театрының тарихына тағзым еткен маңызды мәдени оқиға болды.
Таным • 15 Қаңтар, 2026
Бір кездері цирк десе, көз алдымызға тордағы аңдар мен ұзақ жол азабын көрген жануарлар елестейтін. Бүгінде Германиядағы «Circus -Theater Roncalli» бұл түсінікті түбегейлі өзгертіп отыр. Мұнда цирк бар, бірақ жануарлар жоқ.
Театр • 14 Қаңтар, 2026
«Astana Musical» мемлекеттік театрының репертуарындағы үздік қойылымдардың бірі – «Достар серті» мюзиклі көрермен тарапынан жоғары бағаланып келеді. Бүгінге дейін бұл музыкалық қойылымды 1200-ден аса көрермен тамашалады. Оның дәлелі кезекті көрсетілімде.
Шаруашылық • 09 Қаңтар, 2026
Берік Базарбаев: «Арамшөп – астықтың басты жауы»
«Түстік өмірің болса, кештік мал жина» деген қағиданы бұлжытпай орындайтын шаруашылық иелерінің бірі – диқандар десек, артық айтқандығымыз емес. Көктемгі егістікке қазірден қызу дайындық жүргізіп жатқан сала мамандары ізденісін бір сәт те тоқтатқан емес. Осы орайда ауыл шаруашылығы өндірісінің тиімділігін арттыру бағытында ғылым мен тәжірибені ұштастыруға ерекше көңіл бөліп жатқан А.И.Бараев атындағы Астық шаруашылығы ғылыми-өндірістік орталығының өсімдіктерді қорғау зертханасының аға ғылыми қызметкері Берік Бектұрұлы Базарбаевпен әңгімелескен едік. Ғалым Ақмола облысы әкімдігінің ауыл шаруашылығы және жер қатынастары басқармасының қолдауымен жүзеге асырылып жатқан 019 бюджеттік бағдарлама – «Инновациялық тәжірибені тарату және енгізу бойынша қызметтер» аясындағы жұмыстарға белсенді қатысып қана қоймай, ізденіс нәтижелерін де бүкпесіз ортаға салды.
Қоғам • 01 Қаңтар, 2026
Классикалық мәдениет тұлғалары
Ұлт мәдениетінің биігін әлемге танытқан дара тұлғалар уақыт өткен сайын биіктей түседі. Қазақ өнерінің қос алыбы – ән әлемінің хас шебері Ермек Серкебаев пен кино кеңістігінің классигі Абдолла Қарсақбаевтың туғанына 100 жыл толуының ЮНЕСКО аясында атап өтілуі – соның айқын дәлелі.
