Кино • 31 Желтоқсан, 2024
Отандық киноөндірісте арт хаус, яғни нағыз өнер бағытында өнімді еңбек етіп жүрген режиссердің бірі – Әділхан Ержанов. Ол түсірген «Қожайындар», «Қап-қара адам», «Сары мысық», «Дауыл», «Ұлболсын» сынды авторлық фильмдер әлемнің талғампаз көрермені мен кино мамандарының жүрегін жаулап үлгерді. Ержановтың жаһандық кино кеңістігінде жұлдызын жаққан тағы бір үздік туынды – «Дала қасқыры» драмасы.
Өнер • 31 Желтоқсан, 2024
Жылды қорытындылауға сәл қалғанда Астана қаласы әкімдігінің Музыкалық жас көрермен театрында Қанат Жүнісовтің «Әміре» моноспектаклі көрерменімен қауышты. Қойылым режиссері – Қазақстанның еңбек сіңірген қайраткері Асхат Маемиров.
Қоғам • 31 Желтоқсан, 2024
«Оскар» сыйлығына дауыс береді
«Оператор режиссер таңдамайды. Керісінше, режиссердің өзін таңдауын күтеді». Операторлық өнердің қағидасына айналған бұл тұжырым таспагер, Мемлекеттік «Дарын» жастар сыйлығының лауреаты Еркінбек Пітірәлиевтің кино әлеміндегі жұлдызын жаққан жарқын мезеттеріне жол салды десек, титтей де артық айтқандығымыз емес.
Қоғам • 31 Желтоқсан, 2024
Мәдениет қызметкерлеріне арналған оңалту орталығы
Мәдениет және ақпарат министрлігінің қолдауымен «Астана Опера» театр саласында жаңа стандарттарды енгізуді жемісті жалғастырып келеді. Соның бір айғағы – кеше елімізде алғаш рет театр жанынан мамандандырылған оңалту орталығы ашылды.
Театр • 25 Желтоқсан, 2024
Астана қаласы әкімдігінің Музыкалық жас көрермен театрында жазушы, драматург Мадина Омарованың «S.O.S» атты әлеуметтік драмасының премьерасы өтті. Есірткі қылмысына қарсы іс-қимыл жөніндегі кешенді жоспар мен нашақорлықтың алдын алу жөніндегі «Астана – есірткісіз қала» акциясы аясында көрерменімен қауышқан қойылымның режиссері – Мәдениет саласының үздігі Аман Ғұмаров.
Театр • 20 Желтоқсан, 2024
Қ.Қуанышбаев атындағы Қазақ ұлттық музыкалық драма театрында жазушы Төлен Әбдіктің «Парасат майданы» және «Оң қол» шығармаларының желісімен қойылған режиссер, Қазақстанның еңбек сіңірген қайраткері Гүлсина Мирғалиеваның психологиялық драмасының премьерасы өтті. Тәуелсіздік күні қарсаңында тұсауы кесілген туынды көрермен үшін тамаша тарту болды.
Тағзым • 13 Желтоқсан, 2024
Ұлттық музейде көрнекті тұлға, Алаш қайраткері Шәймерден Қосшығұлұлының туғанына 150 жыл толуына орай «Ұлт қайраткері Шәймерден Қосшығұлұлы» атты дөңгелек үстел өтті. Алаш арысының қоғамдық-саяси қызметін насихаттау, өскелең ұрпақты отансүйгіштік пен адамгершілікке тәрбиелеуді мақсат тұтқан алқалы жиынға алаштанушы ғалымдар мен тарихшылар, белгілі қоғам қайраткерлері, тұлғаның ұрпақтары, сонымен қатар жоғары оқу орындарының студенттері қатысты.
Өнер • 04 Желтоқсан, 2024
Биыл композитор Сыдық Мұхамеджановтың 100 жылдық мерейтойы. Атаулы датаға орай «Астана Опера» ұжымы сыршыл сазгердің «Айсұлу» комедиялық операсын қайта жаңғыртты. Араға 60 жыл салып жаңаша түрленген туынды сахналық тосын шешімдерімен көрерменін елең еткізді.
Кино • 30 Қараша, 2024
Балаларға арналған сапалы туынды жасау, әсіресе елімізде кезек күттірмейтін өзекті мәселелердің қатарында тұр. Күн арылтпай жарыққа шығып жатқан көп комедияның ішінен кейде көңіл серпілтіп, сәби көңіліне қуаныш ұялататын қызықты фильмдер көруге деген аңсар мен құлшыныстың да көп тілегіне айналғаны қашан. Алайда балаларға келгенде баяулап қалатын отандық киноөндірістің өрісін кейінгі кезде «Disney» кеңейтіп жүр. Әйгілі голливудтық студия ұсынған анимациялық туындылардың қазақша үн қатуы кішкентай көрермендердің сол сұранысына аз да болса жауап беріп жатқаны қуантады.
Өнер • 27 Қараша, 2024
Мемлекет басшысы Қасым-Жомарт Тоқаевтың: «Абайды тану – адамның өзін-өзі тануы. Адамның өзін-өзі тануы және үнемі дамып отыруы, ғылымға, білімге басымдық беруі – кемелдіктің көрінісі. Интеллектуалды ұлт дегеніміз де – осы. Осыған орай, Абай сөзі ұрпақтың бағыт алатын темірқазығына айналуы қажет», деген тұжырымы, шын мәнінде, ойлы оқырманның қай-қайсысының да санасына сәуле құяры хақ. Соның айқын айғағы болса керек, «Астана Опера» театрында өткен Қазақстанның халық әртісі, Мемлекеттік сыйлықтың лауреаты Шахимардан Әбіловтің қазақтың бас ақыны Абай Құнанбайұлының шығармашылығына арналған «Толық адам. Ой толғау. Хәкім Абай» монооперасы зор табыспен өтті.
