Редакция таңдауы
Әлеуметтік инженерия мен IT-технологиялардың заманауи әдістерін қолдану арқылы кредиттік алаяқтар банк, микроқаржы ұйымдары клиенттерінің дербес деректерін қолға түсіруге тырысады. Дегенмен түрлі айлакерлік схемадан қорғану үшін әрбір азамат несие алуға өз бетінше тыйым сала алатын арнайы механизм бар.
21 Мамыр, 2025
Білім мен тәжірибе тоғысқан форум
Елордада тау-кен металлургия саласындағы корпоративтік оқыту құрылымдарының қатысуымен халықаралық форум өтті. «Eurasian Resources Group» (ERG) компаниясы мұрындық болған бұл ауқымды жиын елімізде алғаш рет ұйымдастырылып отыр. Форум Менеджментті дамыту жөніндегі еуропалық қор (EFMD) қауымдастығына мүше корпоративтік университеттер мен кадр даярлау ісімен айналысатын ұйымдардың кәсіби байланысын күшейтіп, тәжірибе алмасуға арналған ашық платформаға айналды.
21 Мамыр, 2025
Сенат төрағасы Мәулен Әшімбаев Ақтөбе облысының жұртшылығымен, еңбек ұжымдарымен, мәслихат депутаттарымен, Қазақстан халқы Ассамблеясының мүшелерімен және дарынды жастарымен кездесті. Онда Мемлекет басшысының тапсырмаларын іске асыру және өңірді дамыту мәселелері, сондай-ақ палатаның мәслихаттармен өзара іс-қимылының жаңа форматы аясындағы бірлескен жұмыстың басым міндеттері талқыланды.
21 Мамыр, 2025
Мәдени мұра: сақтау мен жаңғырту үрдісі
Мәдениет және өнер – ұлтымыздың санғасырлық бітім-болмысын айшықтайтын мәңгі өшпес ұғымдар. Соның ішінде өткенімізді тірілтіп, бағзы мұрамызды саф күйінде сақтауда ерен еңбек сіңіріп отырған музей саласының орны қандай оқшау болса, оған қанаттас кітапхана, архив, театрлар бір-бірін толықтырып, мәдениет атты айдынның ұлылығын әйгілейді.
21 Мамыр, 2025
Қазақы болмысты дәріптеген қаламгер
«Мархабат Байғұт – ұлт руханиятында өзіндік орны бар тұғырлы тұлға. Ол қазақ әдебиетінің өрісін кеңейтуге өлшеусіз үлес қосты. Қоғам тыныс-тіршілігін шынайы суреттеп, озық ойлы ұлтқа қажет мызғымас құндылықтарды кеңінен дәріптеді». Мемлекет басшысы Қасым-Жомарт Тоқаев «Мақамы бөлек Мархабат Байғұт» атты халықаралық симпозиумға жолдаған арнайы құттықтауында осылай деді.
21 Мамыр, 2025
Елімізде ұлттық спортқа қаншалықты көңіл бөлініп жатыр
Елімізде ұлттық спортты ұнатып қана қоймай, мән бере айналысып жүргендер нөпірі артып келеді. Қалың қауым ден қойып, қайта сәнге айналған спорттың бірі – садақ ату. Ежелде жауға шапқанда алғышептен қорамсаққа қол салған мергендер орын алған. Бейбіт күнде мазмұны түрленген садақ ату ойды жинақтап, ептілікке баулитын – ұлттық спорт. Елімізде Республикалық садақ ату федерациясы 2019 жылы құрылған. 2022 жылға дейін өзін спорт ретінде дәлелдеп, сол жылдың қазанында тұңғыш рет Маңғыстауда ҚР чемпионаты өтті. Алғашқы мергендер бәсекесіне 200-ге жуық адам қатысқан. Федерация құрылған тұста садақ атуды жанынан серік етіп, кәсіби деңгейде көңіл бөлген 50 спортшы болса, бүгінде бұл көрсеткіш 300-ге жеткен. Оның ішінде 52 мерген ел намысын әр деңгейдегі дүбірлі додаларда қорғап жүр. Сондай-ақ халықаралық деңгейдегі 8 садақшы мемлекет тарапынан стипендия иегері атанған. Садақ атудың тартымдылығы арта түскенін федерацияның 20 өңірде ашылғанын-ақ аңғаруға болады, деп жазады Egemen.kz.
20 Мамыр, 2025
Қайрат Байбосыновқа «Қазақстанның Еңбек Ері» атағы берілді
Мемлекет басшысы Қасым-Жомарт Тоқаев мәдениет және өнер қызметкерлерін марапаттау рәсімінде дәстүрлі әнші, Қазақстанның халық әртісі Қайрат Байбосыновты марапаттады, деп жазады Egemen.kz.
20 Мамыр, 2025
Білім мен тәжірибені тоғыстырған форум
Елордада тау-кен металлургия саласындағы корпоративтік оқыту құрылымдарының қатысуымен халықаралық форум өтті. Eurasian Resources Group (ERG) компаниясы мұрындық болған бұл ауқымды жиын Қазақстанда алғаш рет ұйымдастырылып отыр. Форум менеджментті дамыту жөніндегі Еуропалық қор — EFMD қауымдастығына мүше корпоративтік университеттер мен кадр даярлау ісімен айналысатын ұйымдардың кәсіби байланысын күшейтіп, тәжірибе алмасуға арналған ашық платформаға айналды, деп жазады Egemen.kz.
20 Мамыр, 2025
Оқушылар жазда мұражайлар мен театрларға тегін кіре алады
Бұл туралы бүгін Үкімет отырысында Мәдениет және ақпарат вице-министрі Қанат Ысқақов баяндады, деп жазады Egemen.kz.
20 Мамыр, 2025
Қыркүйектен бастап студенттердің стипендиясы көбейеді
Бүгін Үкімет отырысында Ғылым және жоғары білім вице-министрі Талғат Ешенқұлов Қазақстанда жоғары білімнің қолжетімділігі мен сапасын арттыруға бағытталған студенттерді мемлекеттік қолдау шаралары туралы баяндады, деп жазады Egemen.kz.
20 Мамыр, 2025
Алматының әлеуетін арттыратын жобалар
Биыл Алматының индустриалды аймағында құны 135,5 млрд теңгені құрайтын 11 жоба жұмысын бастауы керек. Қазірдің өзінде 2 662 адамға тұрақты табыс көзін тауып берген жобалардың ішінде алты ірі кәсіпорын, оның ішінде жеңіл автомобиль, биологиялық жем, шыны ыдыс, арматуралық торлар мен резеңке бұйымдар шығаратын зауыттарға қоса, қаланың өндірістік секторының одан әрі дамуына ықпал ететін бес шағын өнеркәсіптік өндіріс бар.
20 Мамыр, 2025
Орал қаласындағы «Зенит» зауыты өздері жасаған 36-күзет кемесін суға түсірді. Семей қаласының атын алған кеме еліміздің Каспий теңізіндегі шекара шебін қорғайды.
20 Мамыр, 2025
Биыл тоғыз «Жайлы мектеп» ашылады
Маңғыстауда 2025 жылы тоғыз «Жайлы мектеп» пайдалануға беріледі, бұл оқушы саны артып, мектепке сыйымдылық мәселесі туындаған аймақ үшін үлкен жаңалық. Өткен жылы, яғни 2024 жылдың желтоқсан айында 4 500 орындық 4 мектеп пайдалануға берілген еді. Ал жаңа оқу жылында іске қосылатын «жайлы мектептер» 8 100 оқушыға құшағын айқара ашатын болады.
20 Мамыр, 2025
Сүйіндік Алдашев: Заң экономиканың дамуына ықпал етеді
Кеше Мемлекет басшысы «Қазақстан Республикасының кейбір заңнамалық актілеріне тауарлардың шығарылған елін айқындау мәселелері бойынша өзгерістер мен толықтырулар енгізу туралы» заңға қол қойды. Отандық тауар өндірушілерге қатысты бұл заңды сенаторлар жуырда екі оқылымда қарап, мақұлдаған еді. Заң төңірегінде Парламент Сенаты Экономикалық саясат, инновациялық даму және кәсіпкерлік комитетінің төрағасы Сүйіндік Алдашевке бірер сұрақ қойдық.
20 Мамыр, 2025
Шығармашылық адамына шабыт беретін, қаламгерлерді қанаттандыратын тосын деректер кейде алдыңнан өзі шығады. Мені қуантып, сондай бір әсерге бөлеген «Egemen Qazaqstan» газетінде жақында жарияланған «Тау тұлғаға тағзым» атты мақала болды. Авторы – белгілі тұлға Махмұт Қасымбеков. Белгілі мемлекет қайраткері Қуаныш Сұлтановтың «Қазақтың Қонаевы» атты кітабы жөнінде толғанады, ой өрбітеді. Шығарма Димекеңнің кемеңгерлігі, даналығы, данышпандық қасиеті туралы болғандықтан, автор ағынан жарылып, тіпті құпия нәрселерді де жазады. Әсіресе дүние салған Димекеңмен халықтың қоштасу кезінде Қуаныш ағаның шешімталдығын үлгі етеді.
20 Мамыр, 2025
«Тұлғаны дәуір туғызады» деген тәмсіл бар. Әртүрлі деңгейдегі мемлекеттік лауазымды қызметтегі тұлғалар да өз дәуірінің қайшылықты оқиғаларымен, оның соқтықпалы қиян қиындықтарымен, асуларымен, өткел бермес ағыстарымен айқаса жүріп, кейде үндесіп, кейде түсінісіп, кейде түсініспей, ақыры бір мақсатқа жұмылғанда қоғамда келісім қалыптасып, табыстар да, жемісті жеңістер де елге танылады.
20 Мамыр, 2025
Газетте жұмыс істеп жүргенде, редакция басшылығының берген тапсырмалары болмаса, өзіміз көріп-біліп, араласып жүрген аға ұрпақ өкілдері туралы көп қалам тартпадық. Сөйтіп, бізге тәлім-тәрбие беріп, ақыл-кеңесін аямаған бұл ғазиз жандарды өмір бойы жанымызда жүре беретіндей көрдік. Және қашан, қай уақытта да көңілдері ақ тілек пен ізгі ниеттен тұратын ол кісілердің өздері де мерейтойларына орай лебіз немесе жаңа кітаптарына байланысты пікір айту жөнінде ешқандай емеурін білдіріп көрмеді. Содан не керек, арада жылдар өткенде, бір кездегі бітпес, таусылмас болып көрінген редакциядағы жұмыстан босап, өмір жолымызда ерекше із қалдырған үлкенді-кішілі әріптестер жөнінде «Ағалар мен інілер» атты мөлтек портреттік фрагменттерді қағаз бетіне түсіруге отырмаймыз ба?! Өкінішке қарай, бұл кезде сол сыйлас жандардың көбі өмірден өтіп кеткен еді. Бірақ... Иә, бірақ... «Қалауын тапса қар жанады», деген сөз бар ғой. Ойлансаң не нәрсенің де қиюын келтіруге болатын сияқты. Мәселен, өзімізге кейіпкер болатын арамызда жоқ шығармашылық иелерінің біреуін есімізде қалған естеліктермен, екіншісін олардың өмірлік қосағы болған жан жарының көзімен, үшіншісін ең жақын деген достарының терең толғаныстарымен, ал төртіншісін тағдырлы таланттар тіршілігінің ыстығына күйіп, суығына тоңған жанашыр басшы әңгімелерімен көрсету. Сонымен, құрметті оқырман... Жоғарыдағы қолға алған тақырып, идеяны жүзеге асыру үшін осы шығармашылық әдісті қолға алған жайымыз бар. Оқып көріңіздер... Төмендегі сұхбат белгілі жазушы, Қазақстанның еңбек сіңірген қайраткері, Халықаралық «Алаш» сыйлығының лауреаты Ахат Жақсыбаевтың жан жары, ұзақ жылдар ҚазПИ-де сабақ берген профессор, қаламгердің өмірден өткенге дейінгі жартығасырлық шығармашылығына тікелей куәгер Клара Теміртасқызы ӘУБӘКІРОВАМЕН өрбіді.
20 Мамыр, 2025
Қостанай облысында шаруа қожалықтарының алды жылдағы қарбалас тіршілігіне кірісіп кетті. Тобыл өңірінде мамырдың басы жауын-шашынды болғанымен, оңтүстік аудандарда ауа райы шаруаға қолайлы болып тұр.
17 Мамыр, 2025
Халықаралық музей күніне орай «Бозоқ» археологиялық паркі аумағында «Бозоққа түнгі саяхат: Алау аясындағы аңыздар» атты этнографиялық фестиваль өтті.
17 Мамыр, 2025
Әбілхан Қастеев атындағы Мемлекеттік өнер музейі Екінші дүниежүзілік соғыс тақырыбын бейнелеген Қазақстан суретшілері шығармаларының бірегей коллекциясына ие. Оның едәуір бөлігі Жеңістің 80 жылдығына орай «Жеңістің жұлдызды сәті» атты ауқымды көрмесінде ұсынылды.
17 Мамыр, 2025
