Қоғам • 29 Қаңтар, 2024
Алматыдағы Ұлттық кітапханада қазақтан шыққан тұңғыш кәсіби мұрағаттанушы, тарихшы, драматург Амантай Сатаевтың өмір белестері мен ғылыми ізденістерін арқау еткен деректі фильмнің тұсауы кесілді. «Қазақтың тұңғыш архивариусы» деп аталған туындының авторы – Асқарбек Махмұтов. Ерен тұлғаның 90 жылдығына орай Мәдениет және ақпарат министрлігі «Мәдениет және өнер саласындағы бәсекелестікті жоғарылату, мәдени мұраны сақтау, зерделеу мен насихаттау және архив ісінің тиімділігін арттыру» бағдарламасы аясында жарық көрген таңдамалы шығармалар жинағы – ұлт руханиятына қосылған құнды мұра.
Руханият • 29 Қаңтар, 2024
Газеттің мәдениет және әдебиет бөлімінде істеген соң, көркем шығарманы талдау, сыни пікір айту, рецензия жазу секілді әдеби ғадеттерден алыс кетпейміз. Әрине, кәсіби сыншы болмасақ та, қадари-халімізше өз ой биігімізден тәуір сөз айтуға тырысамыз. Десек те әр жазар қаламның бағытын айқындайтын беттүзер, ойтүзер, сөз суырар, кейде оталып, шабыттанар, темірқазық бір авторы болатыны анық. Ол өзі ылғи компьютеріңнің маңайында, қолсозым жерде жатады. Күнде жазып жүрген жазуың аяқасты қағазға түспей, қаламың кібіртіктеп, дүниенің азабына айналған сәтте сол бір аяулы кітапқа құшырлана қол жүгіртесің. Енді бір кезде оқып отырған мақалаңды өзің де жаза алатындай арқалана түсіп, жалың күдірейе түседі. Әдебиетшінің қалам-қуатынан күш алып, өз қаламың да жүгіре жөнеледі. Біздің сондай әбден парақталған киіз кітабымыздың бірі – «Шындыққа сүйіспеншілік», авторы – Сағат Әшімбаев.
Тұлға • 29 Қаңтар, 2024
Елімізде әйел жазушылары арасында алғаш роман жазған Сара Мыңжасарованың туғанына 100 жыл толып отыр. «Оқитын өлке» облыстық акциясының биылғы таңдауына осы автордың шығармалары енді. Жазушылықты кеншінің қауіпті де азапты еңбегіне теңеген Сара қыздың туған жері — Шалқар өңірінде осыдан бір жыл бұрын аудандық балалар кітапханасының атсалысуымен «Қазақтың тұңғыш романист қызы» атты әдеби кеш өткізілді. Аталған танымдық шараны ұйымдастыру барысында қаламгердің көзін көргендерді іздестіріп, естеліктерін тыңдаған едік.
Қоғам • 29 Қаңтар, 2024
Бұрынғы әділет министрін қамауда ұстау мерзімі ұзартылды
Бұрынғы әділет министрі Марат Бекетаевқа қатысты қамауда ұстау мерзімі тағы да ұзартылды, деп хабарлайды Egemen.kz.
Зерде • 29 Қаңтар, 2024
Қарағаштағы білімнің қарашаңырағы
Биыл атақты «Мамания» мектебінің ашылғанына – 125 жыл. Әуелі шағын медресе болып іргесі қаланып, кейін айтулы білім ордасына айналған Қарағаштағы қарашаңырақтың бүгінде қиқымы ғана қалған. Өкінішті-ақ. Кеңес идеологиясына уланған буын оны қажет етпеді. Дегенмен тарихтың аты – тарих, талай ұлт зиялыларын тәрбиелеген рухани мекен кімге де болса ыстық. Оны ұрпақтың ұмытпағаны абзал.
