Travelbird.nl туристік порталының сарапшылары әлемдегі ең арзан жағажайды анықтады. Вьетнамның Хойан қаласының іргесіндегі Куа Дай жағажайында суға шомылып, күнге қыздырыну басқа жағажайлармен салыстырғанда әжептәуір арзанға түседі екен.
Куа Дай жағажайында бір күн демалу үшін қалтаңызда 13,54 доллар болса жеткілікті. Осы ақшаға күннен қорғайтын крем, 1 шөлмек су, сыра, балмұздақ және бір адамға түстік ас пен сусын сатып алуға болады екен.
Ал әлемдегі ең қымбат жағажай Таитидегі Ла Плаже де Мауи жағажайы. Сарапшылардың айтуынша, бұл жағажайда демалу үшін кемінде 60 долларға шығындануға тура келеді.
Нұрхан АСҚАР