Кәсібің – нәсібің

Еңселі ел экономикасының дамуы, әрине, кәсіпкерлік сала­сы­мен тығыз байланысты. Бүгінгі күні облыс көлемінде шағын және орта бизнесті дамыту Қазақстан Республикасы Прези­ден­тінің Жолдауынан туындаған 2010-2014 жылдарға арналған мемлекеттік үдемелі индустриялық-инновациялық даму, «Биз­нес­тің жол картасы-2020», Үкіметтің «2010-2014 жылдарға ар­налған қазақстандық қамтуды арттыру жөніндегі», Жаңа Кеден одағы бизнесті жүргізуде әкімшілік кедергілерді азайту, «Жұмыспен қамту-2020», т.б. бағдар­ла­ма­лар, іс-шаралар ая­сын­да жүргізілуде.

Елбасының тапсыр­ма­­­сы бойынша аймақта жү­зе­ге асырылып жатқан ин­­­­дустриалық-инно­ва­ция­лық жоба­ла­р­дың маңызы ерекше. 2010 жылы жал­­­­пы сомасы 26,0 миллиард теңгені құрайтын 11 жоба іске қосылып, жа­ңадан 401 жұ­мыс орны ашылса, таяудағы жыл­дары облыс өңірінде 54 жоба жү­зеге асырылады. Қазірдің өзінде 22 жоба қолға алынып, қазы­­ғы қағы­лып, кірпіші қаланып жатыр.

Шағын және орта бизнеске бір­­ден-бір үлкен көмек көрсетіп, жол ашып отырған «Бизнестің жол кар­та­сы-2020» бағдарламасы аясында біздің облысқа республикалық бюд­жеттен 3,0 миллиард теңгеден астам қаржы бөлінді.

Осындай көмекке ие болған жо­балардың бірі – сауықтыру кешенін салған (жабық бассейн мен фит­нес орталығы) «Темірхан» ЖШС еке­нін айта кеткен абзал. Ескі ғи­мараттың орнына 300 орындық балабақша салған «Сымбат Ойл», темір-бетон өнімдері өндірісін ке­ңей­ту­ге кіріскен «АдемЖан» ком­па­­ния­ларының да еңбегі ерен. Сон­дай-ақ, бұл бағдарла­ма­ның басқа да мүмкін­дік­тері арқылы кәсіпкер­лері­мізге сервистік қол­дау қызметтері тегін көр­се­ті­луде, «Назарбаев Уни­вер­ситеті» база­сын­да кә­сіп­керлердің біліктілігі арт­ты­рылуда.

Сонымен қатар, «Өн­дірістік инфрақұ­ры­лым­ды дамыту» бағыты бойынша был­тыр­дан бастап кәсіпкерлеріміз үш­ін ма­ңызды болып табылатын өн­ер­кәсіп алаңы, индустриялық ай­мақ және «Қамбаш демалыс» айма­ғы ұйым­дастырылып жатыр.

Мемлекет тарапынан көрсетіл­ген қамқорлыққа бизнес өкілдері жау­ап ретінде әлеуметтік жауапкершілікті арттыру бағытындағы іс-шараларды белсене ұйымдас­тыру­да. Жыл сай­ын­ғы өткізілетін қайы­рым­дылық ак­ция­лары, «Сыр мейірімі», «Жүрек жылуы», мектеп жәр­мең­ке­сі, бағаны тұрақтандыру ба­ғы­тын­да­ғы іс-ша­ра­ларда, тіпті бас­қа облыс­тар­да болған апаттарға да өз қам­қорлықтарын белсене көрсе­тіп, облыс экономикасын дамытуға қо­мақты үлес қосып отыр.

Қазақстан Республикасы тәуел­сіз­дігінің 20 жылдығы қарсаңында ынтымағы жарасқан елімізге ты­ныш­тық, береке-бірлік пен даму жо­лында биік белестерден көріне беруіне тілектестік білдіремін.

Алмас ТҰРТАЕВ, Қазақ­­станның «Атамекен» ұлттық экономикалық пала­­­та­­сы Қызыл­­­орда филиалының директоры.