Қанатқақты жоба қандай күйде?

Аз қабатты үйлер құ­ры­лысының іргетасын са­лу ісі наурыз айынан бас­тау алады. Алдын-ала жа­сал­ған жоспар бойынша жо­ба­ның алғашқы кезеңін ал­дағы күзге дейін аяқтау ұй­ға­рылған. Бұл осы уақыт ара­лығында тұрғын үй нысандары тұрғызылып бітуі керек деген ұғымды білдіреді. Қазіргі істің барысы осы межелі уақыт үдесінен шығуға алғышарт қа­лай ала ма? Бұл сауалға әзірше біржақты жауап қайтару қиын-ақ.

Өйткені дәл бүгінгі кү­ні құрылыс қарқыны жо­ғары деп айтуға ауыз бара бер­мейтіндей. Мұндай ір­кіліс пен кідірістің бас­ты себептерінің бірі жоба шең­бе­ріндегі кейбір жобалау-сме­талық құжаттарды әзі­р­л­еу жұмыстарының ұзаққа со­зылып кеткені деуге болады. Екіншіден, кез келген құрылыс конвейерлік тәсілге арқа сүйей алмаса, «сақалды сипатқа» ие болуы оп-оңай. Демек, құрылыс материалдарымен қамтуда іркіліс болмауы керек.

Осы арада Президент пен Үкіметтің қолдауына және құптауына ие болған айырықша құрылысқа жер­гі­лікті құрылыс мате­ри­ал­дары пайдаланылып отыр­ға­нын айта кеткен орынды. Өңірдегі құрылыс ин­дус­триясы аталған жо­ба­ның басы-қасында жүр­ген мердігерлердің сұ­ра­ныстарын өтеуге әзір ме? Қазір осынау сауал тө­ңі­ре­гінде екіұшты көз­қа­рас қа­лып­таса бастағанын қалай тү­сінсек екен? Айталық, ме­р­­- дігерлердің айтуы бойын­ша, кірпіш пен қиыршық тас жеткіліксіз екен. Нағыз жер­гілікті материалдар дәл осы екеуі емес пе? Кей­бір жасалған есептер мен деректерге қарағанда Ақ­төбе қаласында әр күнге шақ­қанда өндірілетін кір­піш саны көлемі жобаны жү­зеге асыруға жұмылған құ­ры­лыс­шылар сұранысын қа­на­ғаттандыруға толығымен же­теді. Сонда қалай бол­ға­ны? Бар гәп осында болып жүрмесін. Мұндай ке­реғарлық аймақтағы құ­ры­лыс индустриясы кәсіп­орын­дарының қуатына та­ғы бір мәрте барлау жасау қажеттігін ұқтырады. Со­­нымен бірге жергілікті құ­­рылыс материалдарын өн­­дірушілер мен жоба құ­ры­лысын жүргізушілер арасындағы байланыстарды тереңдету керектігін көр­сетеді. Құрылыстың ой­да­ғыдай қарқын ала алмай отыр­ғанына бұған дейін мер­дігер ұйымдардың нақты жұ­мыс кестесі бекітілмей кел­гені де салқынын ти­гіз­гені сезіледі. Сондай-ақ, жергілікті құзіретті мем­ле­кет­тік мекемелер тарапынан құ­рылыстың жүру барысын күн сайын қатаң бақылау ісі де босаңсып кеткендей кө­рінеді.

Қанатқақты жоба об­лыс­тағы үй құрылысы ком­би­натының жобасы бойын­ша жасалған. Мұндай жағ­дайда бұл құрылым өз өнімдерінің көлемін шұ­ғыл көтеруі керектігі де басы ашық мәселе. Құрылыс әзірге бір ауысым бойынша жүргізілуде, де­генмен алдағы кезде кес­теден кешігу көріністері қай­та­ла­на берген жағдайда екі ауысымдық жүйеге көшу жө­нінде шешім қабылдау бел­гіленген.

Темір ҚҰСАЙЫН, «Егемен Қазақстан»

қтөбе облысы