Елордада өтіп жатқан ШЫҰ-ға мүше мемлекеттер басшылары кеңесінің кеңейтілген отырысында Үндістан мен Пәкістан ресми түрде ШЫҰ-ға мүше болды, деп хабарлайды ҚазАқпарат.
Елорданың Тәуелсіздік сарайындағы ұйым саммиті барысында Мемлекет басшылары Үндістан мен Пәкістанды ШЫҰ-ға қабылдау процесін аяқтау және мүше мәртебесін беру туралы тарихи келісімге қол қойды.
Айта кетерлігі, қол қою рәсіміне Үндістан Премьер-Министрі Нарендра Моди мен Пәкістан Ислам Республикасының Премьер-Министрі Мухамад Наваз Шариф қатысты.